Thursday, July 25, 2024
Homeताज्या घडामोडीChhatrapati Sambhajinagar : छत्रपती संभाजीनगरमध्ये भीषण अपघात! बापलेकासह पाच जणांचा जागीच मृत्यू

Chhatrapati Sambhajinagar : छत्रपती संभाजीनगरमध्ये भीषण अपघात! बापलेकासह पाच जणांचा जागीच मृत्यू

छत्रपती संभाजीनगर : गेल्या काही दिवसांत राज्यात अपघातांच्या घटनांमध्ये वाढ झाली आहे. छत्रपती संभाजीनगरमधून (Chhatrapati Sambhajinagar) अशीच एक धक्कादायक अपघाताची बातमी समोर आली असून या भीषण अपघातात (Terrible Accident) बापलेकासह पाच जणांना आपला जीव गमवावा लागला आहे.

बीड-नगर मार्गावरील लिंबागणेश गावापासून काही अंतरावरील ससेवाडी शिवारात काल शुक्रवारी रात्री ८.३० च्या सुमारास ही घटना घडली. ट्रक व चारचाकी वाहनामध्ये झालेल्या जोरदार धडकीमुळे वडील-मुलासह पाच जणांचा जागीच मृत्यू झाला. या अपघातात प्रल्हाद सिताराम घरत (वय ६३), नितिन प्रल्हाद घरत (४१, दोघेही रा. महाजनवाडी ता. जि. बीड) या पिता-पुत्रासह विनोद लक्ष्मण सानप (४० रा. वाघिरा ता. पाटोदा) अशा तिघांसह अन्य दोघांचा जागीच मृत्यू झाला. मृत अन्य दोघांची रात्री ११ पर्यंत ओळख पटली नव्हती. शवविच्छेदनासाठी मृतदेह बीडच्या जिल्हा शासकीय रुग्णालयात दाखल करण्यात आले.

ओळख न पटलेले ट्रकमधील असल्याचे समजते. अपघात एवढा भीषण होता की सर्व मृतांना बाहेर काढण्यासाठी एकमेकांमध्ये अडकलेल्या वाहनांचा पत्रा कापण्यासाठी यंत्र मागवावे लागले होते. घटनास्थळावर एक क्रेनही आणण्यात आला होता. क्रेनच्या साहाय्याने अपघातग्रस्त दोन्ही वाहने बाजूला करून नेकनूर पोलीस व स्थानिक नागरिकांचे वाहतूक सुरळीत करण्यासाठी मदतकार्य सुरू होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -