School Bus Accident : शाळेच्या सहलीसाठी कोकणात जात असताना बसचा भीषण अपघात

दोघांचा मृत्यू, तर ५५ जण जखमी


रायगड : गेल्या काही दिवसांत अपघाताचे प्रमाण प्रचंड वाढले आहे. त्यातच रायगडमध्ये (Raigad News) आज सकाळी एक भीषण अपघात (Terrible Accident) झाला. पुण्याहून शाळेची सहल (School picnic) कोकणात येत असताना या ट्रॅव्हल बसचा अपघात झाला. यात दोघांचा मृत्यू झाला, तर ५५ जण जखमी झाले आहेत. सर्व जखमींना रुग्णालयात हलवण्यात आले असून, त्यांच्यावर उपचार सुरु आहेत.


रायगडमधील माणगाव ते पुणे दरम्यानच्या ताम्हीणी घाटात अवघड वळणावर चालकाचे नियंत्रण सुटल्याने शाळेच्या सहलीची खासगी बस उलटली. कोंडेघर गाव हद्दीत हा अपघात झाला. अपघातात बसमधील अनेक प्रवासी अडकले होते. अपघाताची माहिती मिळताच गावकरी मदतीला धावून आले घटनास्थळी महाड, माणगाव इथून बचाव पथके, रुग्णवाहिका रवाना झाल्या. नागरिकांनी बसमध्ये अडकलेल्या सर्व प्रवाशांना बाहेर काढले.


पोलिसांकडून मिळालेल्या प्राथमिक माहितीनुसार, अपघातात दोन महिलांचा मृत्यू झाला असून तब्बल ५५ जण जखमी झाले आहेत. सकाळी साडेसातच्या सुमारास हा अपघात झाला असून जखमींवर नजीकच्या माणगाव उपजिल्हा रुग्णालयात उपचार चालू आहेत. दरम्यान, अपघातामुळे काही काळ विस्कळीत झालेली या मार्गावरची वाहतूक आता सुरळीत सुरू असल्याची माहिती पोलिसांनी दिली आहे.


कोकणातील रस्त्यांवरुन आणि घाटवळणांतून अनेक अपघातांचे प्रकार समोर येत आहेत. काहीच दिवसांपूर्वी शाळेची सहल कोकण दर्शन करुन परतत असताना घाटात तिचा अपघात झाला होता, ज्यात एका शिक्षकाला जीव गमवावा लागला. यानंतर पुन्हा एकदा अशीच घटना समोर आली आहे.

Comments
Add Comment

मुंबई-गोवा महामार्गावर माणगाव येथे धुक्यामुळे भीषण अपघात

शिवशाही बस, ट्रकमध्ये धडक; १ ठार, ११ जखमी प्रमोद जाधव माणगाव : मुंबई-गोवा महामार्गावर अपघातांची मालिका सुरू आहे.

संगमेश्वर येथे छत्रपती संभाजी महाराजांचे भव्य स्मारक उभारणार; पहिल्या टप्प्यातील संकल्पचित्राचे सादरीकरण

मुंबई : मुख्यमंत्री देवेंद्र फडणवीस यांनी रत्नागिरी जिल्ह्यातील संगमेश्वर येथे छत्रपती संभाजी महाराज स्मारक

जयगड बंदरातून काजू निर्यातीसाठी आवश्यक प्रक्रिया गतीने कराव्यात – मत्स्यव्यवसाय व बंदरे मंत्री नितेश राणे

मुंबई : रत्नागिरी जिल्ह्यातील जयगड बंदरातून मोठ्या प्रमाणात काजू निर्यात व्हावी यासाठी संबधित विभागांनी

Narayan Rane : 'कोण आदित्य ठाकरे?' "बाळासाहेबांनंतर शिवसेना राहिली नाही! नारायण राणेंचा उद्धव गटावर हल्लाबोल

चिपळूण : भाजप खासदार नारायण राणे (Narayan Rane) यांनी आज चिपळूण दौऱ्यादरम्यान शिउबाठा नेतृत्वावर अत्यंत कडक शब्दांत टीका

साळीस्ते खून प्रकरणात नवा ट्विस्ट! मृतदेह डॉक्टर पेशातील व्यक्तीचा असल्याची चर्चा ?

कणकवली: साळीस्ते येथे गुरुवारी दुपारी १२:३० एका पुरुषाचा मृतदेह काहीसा कुजलेल्या अवस्थेत सापडल्याने खळबळ माजली

Rain Alert : दिवाळीच्या उत्साहात पावसाचं विघ्न? मुंबई-कोकण किनारपट्टीवरील हवामान बदलणार, कसा असेल अंदाज?

मुंबई : महाराष्ट्रासह देशातील बहुतांश राज्यांतून मान्सूनने आता माघार घेतली असली तरीही, अनेक ठिकाणी अद्याप