मालवणमध्ये झालेल्या एका जाहीर सभेत राज्याचे उपमुख्यमंत्री एकनाथ शिंदे यांनी शिवसेना आमदार निलेश राणे यांचे जोरदार कौतुक करत त्यांना नवी ऊर्जा दिली. त्यांनी निलेश राणे यांच्यासाठी "कोकणात दगड (चिरा) प्रसिद्ध आहे, पण शिवसेनेला कोकणात सापडला आहे हिरा" असे गौरवोद्गार काढले. यावेळी निलेश राणे यांनी, "शिंदे साहेबांना मी सोडलं तर देव मला माफ करणार नाही," असे म्हटले होते. यावर बोलताना एकनाथ शिंदे म्हणाले की, "पोटात एक आणि ओठात एक मला जमत नाही. जो काम करतो त्याच्या पाठिशी खंबीरपणे उभे राहणारा एकनाथ शिंदे आहे." "नारायण राणेंचे बाळकडू" शिंदे यांनी निलेश राणेंचे धाडस आणि नेतृत्व क्षमता यावर विशेष भर दिला. ते म्हणाले, "निलेश राणे केव्हाही घाबरत नाही. त्याला नारायण राणे यांचे बाळकडू मिळाले आहे." राजकीय टीकाकारांना आणि विरोधकांना इशारा देताना शिंदे म्हणाले, "एकनाथ शिंदे डॉक्टर नसला तरी अनेक ऑपरेशन केली आहेत." त्यांनी बाळासाहेबांच्या शिवसेनेत निलेश राणे यांचे स्वागत केले आणि मालवणच्या भविष्यासाठी निलेश राणे धावून येत असल्याचे नमूद केले. शेवटी, उपमुख्यमंत्र्यांनी जोरदार घोषणा केली: "इलाका किसका भी हो, धमाका निलेश राणे करेगा, कुणी कितीही करा कल्ला, मालवण हा शिवसेनेचाच बालेकिल्ला आहे."
मालवणचे भविष्य सुधारण्यासाठी निलेश राणे धावून येतो
मालवणमधील राजकीय सभेदरम्यान राज्याचे उपमुख्यमंत्री एकनाथ शिंदे यांनी शिवसेना आमदार निलेश राणे यांच्यासोबतच उमेदवार ममता वराडकर यांच्यासाठी भावनिक आणि जोरदार प्रचार केला. शिंदे यांनी स्थानिक मतदारांना जाहीर आवाहन केले की, "माझी लाडकी बहीण ममता वराडकर यांना निवडून द्या." मालवणच्या विकासावर भर देत ते म्हणाले की, "मालवणचे भविष्य सुधारण्यासाठी निलेश राणे धावून येतो." विरोधकांना लक्ष्य करताना शिंदे म्हणाले, "कोणी काहीही बोलू द्या, दोन तारखेला शिवसेनेला मतदान करा." त्यांनी मतदारांना आश्वासित केले की, "लाडक्या बहिणीसाठी आणि भावांसाठी मी रक्ताचा थेंब असेपर्यंत काम करेन. त्यामुळे ही संधी सोडू नका." निलेश राणे यांच्या कार्याचे कौतुक करताना त्यांनी पुन्हा एकदा जोशपूर्ण घोषणा केली: "इलाका किसका भी हो, धमाका निलेश राणे करेगा." त्यांनी मतदारांना आवाहन केले की, "धनुष्यबाणावरचे बटण दाबून मालवणवर भगवा फडकवा." शिंदे यांच्या या आक्रमक प्रचारामुळे मालवणमधील निवडणुकीच्या वातावरणात चांगलीच रंगत आली आहे.
लाडकी बहीण योजना माझी सर्वात आवडती
मुख्यमंत्री शिंदे म्हणाले की, "पुढचं भवितव्य समोर ठेऊन काम करायचं आहे. मी जे बोलतो तो करतो. जे होणार नाही, ते बोलत नाही. मी दिलेला शब्द पाळणार आहे." त्यांनी मतदारांना उद्देशून सांगितले, "फक्त तुम्ही मात्र २ तारखेला काय करायचे ते लक्षात ठेवा." आपल्या मुख्यमंत्रीपदाच्या कार्यकाळात अनेक योजना सुरू केल्याचे सांगताना त्यांनी 'लाडकी बहीण योजने'ला विशेष महत्त्व दिले. ते म्हणाले, "सगळ्यात लाडकी बहीण योजना माझी सर्वात आवडती आहे. आम्ही एका टीम म्हणून काम करून ही योजना सुरू केली आहे." या योजनेची लोकप्रियता अधोरेखित करताना शिंदे म्हणाले की, "सगळीकडे लाडक्या बहिणीची उपस्थिती जास्त आहे." त्यांनी विरोधकांना थेट आव्हान देत सांगितले की, "कोणी मायकालाल आला तरी लाडकी बहीण योजना बंद होणार नाही." मुख्यमंत्री म्हणून काम करत असतानाही आपण नेहमी 'कार्यकर्ता' म्हणून काम केले, यामुळेच योजना प्रभावीपणे अंमलात आणता आल्याचे त्यांनी स्पष्ट केले.
रांची : भारत (India) आणि दक्षिण आफ्रिका (South Africa) यांच्यातील ३ सामन्यांच्या वनडे मालिकेतील (ODI Series) पहिला रोमांचक सामना रांची येथील जेएससीए आंतरराष्ट्रीय ...
निलेश राणे मालवणचा प्रस्ताव द्या, आम्ही कायापालट करू
मुख्यमंत्र्यांनी आमदार निलेश राणे यांना थेट आवाहन करत म्हटले की, "निलेश राणे, मालवणचा प्रस्ताव द्या. आम्ही मालवणचा कायापालट करू." त्यांनी स्पष्ट केले की, अनेक मोठे प्रकल्प इकडे करायचे आहेत आणि त्यासाठी ते प्रयत्नशील आहेत. पक्षासाठी आणि मतदानासाठी जीवाचे रान करणाऱ्या कार्यकर्त्यांची त्यांनी प्रशंसा केली. राज्यात उच्च शिक्षण मुलींसाठी मोफत करण्याच्या निर्णयावर बोलताना त्यांनी एक भावनिक किस्सा सांगितला. एका मुलीने शिक्षणासाठी आत्महत्या केल्याची घटना आठवून ते म्हणाले, "आपली सत्ता असल्याचा उपयोग काय? म्हणून उच्च शिक्षण मुलींना मोफत केले." कोकणी माणूस हा फणसासारखा, बाहेरून काटेरी आणि आतून गोड असतो, असे सांगत शिंदेंनी कोकणाचे आणि शिवसेनेचे भावनिक नाते जोडले. त्यांनी बाळासाहेब ठाकरे यांच्या नेतृत्वाखाली नारायण राणे मुख्यमंत्री असताना अनेक प्रकल्प आले याची आठवण करून दिली. तसेच, उदय सामंत यांना उद्योग वाढवण्याचे काम करण्यासाठी उद्योगमंत्री म्हणून अनेकदा फोन केल्याचे नमूद केले.