Sunil Kedar : आजाराची नौटंकी करणार्‍या सुनील केदारांना डॉक्टरांनी पाठवले तुरूंगात

  957

शिक्षेपासून वाचण्यासाठी करत होते प्रयत्न?


नागपूर : नागपूर जिल्हा मध्यवर्ती बँकेच्या १५० कोटींच्या घोटाळा प्रकरणात (Nagpur bank scam) काँग्रेसचे नेते व माजी मंत्री सुनील केदार (Sunil Kedar) यांना न्यायालयाने दोषी ठरवत ५ वर्षांची शिक्षा आणि साडेबारा लाख रुपयांचा दंड ठोठावला होता. शिक्षा सुनावल्यानंतर दुसर्‍याच दिवशी कारागृहात जाण्यापूर्वी आवश्यक असलेली वैद्यकीय चाचणी करत असताना त्यांनी तब्येतीची तक्रार केली. मात्र, त्यांचे सर्व रिपोर्टस नॉर्मल आले असून डॉक्टरांनीच त्यांची रवानगी थेट तुरुंगात केली आहे.


सुनील केदार दाखल असलेल्या नागपूरच्या शासकीय रुग्णालयातील अतिदक्षता विभागातील चार तज्ज्ञ डॉक्टरांनी काल रात्री त्यांची प्रकृती बरी असल्याचा अहवाल सादर केला. त्यांना मायग्रेनचा त्रास, न्यूमोनियाचे लक्षण आढळून आले होते. ताप वाढल्याने त्यांच्यावर उपचार सुरू होते. याशिवाय किडनीचाही संसर्ग झाल्याने उपचाराचा कालावधी वाढला. मात्र, डॉक्टरांनी प्रकृती स्थिरावताच, ते ‘फिट’ असल्याचा अहवाल दिला. हा अहवाल येताच, पोलिसांनी त्यांना ताब्यात घेत, त्यांची तडकाफडकी कारागृहात रवानगी केली. गेल्या २२ डिसेंबरपासून त्यांना रुग्णालयात उपचारासाठी दाखल करण्यात आले होते.


रुग्णालयातील पथकाने सुनील केदार यांच्या प्रकृतीबाबतचा अहवाल सादर केल्यानंतर त्यांना कारागृहात पाठवण्यासाठी केवळ अर्ध्या तासापूर्वी डिस्चार्ज करण्याबाबत माहिती देण्यात आली. त्यानंतर त्यांना काही वेळ तयारीसाठी देण्यात आला व त्यांची कारागृहात रवानगी करण्यात आली. आता त्यांना कारागृहातील ‘आफ्टर बॅरेक’मध्ये इतर कैद्यांसोबत ठेवण्यात येणार आहे.


सुनील केदार यांना शिक्षा सुनावल्यानंतर त्यांची आमदारकी राहणार की नाही असा प्रश्न उपस्थित झाला होता. याचा निर्णय विधानसभा अध्यक्ष राहुल नार्वेकर (Rahul Narvekar) यांच्याकडे सोपवण्यात आला. अखेर नार्वेकरांनी त्यांची आमदारकी रद्द केली. हाती काहीच न उरल्यामुळे कुठून तरी वाचता येतंय का, याचा प्रयत्न ते करत होते. अखेर डॉक्टरांनी ते व्यवस्थित आणि फिट असल्याचं सांगत त्यांना तुरुंगात पाठवलं.


Comments
Add Comment

स्थानिक स्वराज्य संस्थांच्या निवडणुका तीन टप्प्यात होणार!

येत्या सप्टेंबर -ऑक्टोबर महिन्यात मतदान निवडणूक खर्चात वाढ करण्याबाबतही विचार राज्य निवडणूक आयुक्तांनी दिली

महाराष्ट्रातील पाण्याचा प्रश्न सोडविण्यासाठी मुख्यमंत्री देवेंद्र फडणवीस यांचे प्रतिपादन

नदीजोड प्रकल्पासह गावपातळीवरील जलसंधारणाच्या कामातून महाराष्ट्रातील पाणी प्रश्नावर यशस्वी मात करु -

पंतप्रधान मोदींच्या नेतृत्वात किसान क्रेडिट योजना लाखो शेतकऱ्यांसाठी ठरली जीवनवाहिनी - निर्मला सीतारामन

प्रतिनिधी: सरकारची योजना किसान क्रेडिट कार्ड (KCC) हे भारतीय शेतकऱ्यांसाठी जीवनरेखा ठरली आहे असे प्रतिपादन

Gold Silver Rate: चार दिवस सनसनाटी वाढीनंतर गुंतवणूकदारांना चालून आली संधी सोने 'इतक्या' रुपयांनी स्वस्त चांदी 'जैसे थे'

प्रतिनिधी: चार दिवसांच्या सनसनाटी वाढीनंतर सोन्याच्या दराने विश्रांती घेतली आहे. आज सराफ बाजारात सोन्याच्या

Mehul Choksi Breaking : फरार उद्योगपती मेहूल चोक्सी सेबीच्या रडारवर त्यांच्या सगळ्या मालमत्ता यंत्रणेने जप्त केल्या

प्रतिनिधी: नीरव मोदीनंतर आता मेहूल चोक्सींची घेराबंदी सेबीने केली आहे. सेबी (Security Exchange Board of India) एजन्सीने उद्योगपती

Eknath Shinde : लाडक्या बहिणीला 'डेडिकेटेड टू कॉमन मॅन'चा आधार! उपचारासाठी किडनीग्रस्त महिलेला एकनाथ शिंदेंनी केली मदत

जळगाव : उपमुख्यमंत्री एकनाथ शिंदे हे काल मुक्ताईनगरला संत मुक्ताबाई पालखी प्रस्थान सोहळ्याला उपस्थित