Shreyas Talpade : श्रेयस तळपदेला हार्ट अटॅक, प्रकृती स्थिर; लवकरच मिळणार डिस्चार्ज

  110

पत्नी दिप्ती तळपदेने दिली माहिती


मुंबई : प्रसिद्ध अभिनेता श्रेयस तळपदे (Shreyas Talpade) काल रात्री ‘वेलकम 3’ चित्रपटाचं शूटिंग करून घरी आल्यानंतर त्याला हृदयविकाराचा झटका (Heart Attack) आला. त्याला तातडीने रुग्णालयात दाखल करण्यात आलं. यामुळे चाहते आणि त्याच्या मित्रपरिवारामध्ये चिंता पसरली होती. मात्र श्रेयसच्या प्रकृतीबाबत आता समाधानकारक बाब समोर आली आहे. श्रेयसची अँजिओप्लास्टी करण्यात आली असून तो सध्या आयसीयूमध्ये (ICU) डॉक्टरांच्या देखरेखीखाली आहे आणि त्याची प्रकृती स्थिर आहे. त्याची पत्नी दिप्ती तळपदेने (Dipti Talpade) सोशल मीडियावर पोस्ट करत ही माहिती दिली आहे.


श्रेयसला हृदयविकाराचा झटका आल्याचे कळताच चाहत्यांना मोठा धक्का बसला होता. प्रकृतीत लवकरात लवकर सुधारणा व्हावी यासाठी चाहते प्रार्थना करत होते. आता श्रेयसची प्रकृती स्थिर असून लवकरच त्याला डिस्चार्जही मिळणार असल्याची माहिती त्याच्या पत्नीने दिली आहे.


दिप्ती तळपदे श्रेयसच्या प्रकृतीसंदर्भात माहिती देत म्हणाली की, "माझ्या पतीला हृदयविकाराचा झटका आल्यानंतर चाहत्यांमध्ये भीतीदायक वातावरण निर्माण झालं होतं. त्यांनी व्यक्त केलेली चिंता आणि शुभेच्छांबद्दल मनापासून कृतज्ञता व्यक्त करते. श्रेयसची प्रकृती आता स्थिर आहे. लवकरच त्याला डिस्चार्ज मिळेल. त्याच्या प्रकृतीसंदर्भात माहिती देताना मला समाधान मिळत आहे."


दिप्ती पुढे म्हणाली, "या कठीण काळात बेलव्यू रुग्णालय आणि डॉक्टरांच्या संपूर्ण टीमने वेळेवर दिलेला प्रतिसाद महत्त्वाचा ठरला आहे. त्यामुळे त्यांचीही मी कृतज्ञ आहे. पण चाहत्यांना माझं भावनिक आवाहन आहे की, आमच्या गोपनीयतेचा कृपया आदर करावा. तुमचा अतूट पाठिंबा हाच आम्हा दोघांसाठी प्रचंड ताकदीचा स्त्रोत आहे".





श्रेयस तळपदे सध्या 'वेलकम टू द जंगल' (Welcome to the Joungle) या सिनेमाचं शूटिंग करत आहे. तसेच कंगना रनौत (Kangana Ranaut) दिग्दर्शित 'इमरजेंसी' या सिनेमात तो दिसणार आहे. डॉक्टरांच्या निरिक्षणाखाली सध्या मुंबईतील अंधेरी पश्चिम येथील बेलव्यू रुग्णालयात श्रेयसवर उपचार सुरू आहेत.


Comments
Add Comment

पवईतील गोविंदाचा उपचारादरम्यान मृत्यू

मुंबई : विक्रोळीच्या कन्नमवार नगरमध्ये आमदार सुनील राऊत यांच्या वतीने आयोजित करण्यात आलेल्या तब्बल २५

लालबागच्या राजाचं पहिलं दर्शन, सुवर्ण गजानन महालात शाही थाटात आगमन !

मुंबई: मुंबईत गणेशोत्सवाची सुरुवात होते ती लालबागच्या राजाच्या आगमनाने. यंदाही गणेशोत्सवापूर्वी लालबागच्या

मालाडमध्ये वैष्णवी हाइट्सला आग

मुंबई : मुंबईच्या पश्चिम उपनगरातून आगीची बातमी आली आहे. मालाड पूर्व येथे राणी सती मार्गावर असलेल्या वैष्णवी

एअरटेल कंपनीचे मोबाईल नेटवर्क कोलमडले, ग्राहक त्रस्त

मुंबई : देशभरात एअरटेलचे नेटवर्क पुन्हा एकदा बंद पडले आहे. हजारो ग्राहकांना कॉलिंग आणि इंटरनेट सेवेचा वापर करणे

मुंबईच्या राजाच्या आरतीचा मान यंदा 'कोकण नगर गोविंदा पथकाला

मुंबई: मुंबईचा राजा सार्वजनिक गणेशोत्सव मंडळ यंदा आपला ९८ वा गणेशोत्सव साजरा करत आहे. गेली अनेक वर्षे सामाजिक

रोहिंग्या बांगलादेशींसाठी मनपा शाळांच्या जमिनी हडपण्याचा प्रयत्न?

लोढा यांचा रोखठोक सवाल मुंबई : मुंबई महापालिकेच्या शासन निर्णयानुसार महापालिकेच्या शाळा चालवण्यासाठी कोणतीही