Thursday, July 18, 2024
Homeताज्या घडामोडीMira Road Firing : बेकरीत शिरला, दुकानदारावर बंदूक रोखली, आणि...

Mira Road Firing : बेकरीत शिरला, दुकानदारावर बंदूक रोखली, आणि…

मीरा रोडच्या बेकरी दुकानात नेमकं काय घडलं?

भाईंदर : मीरा रोड येथे काशीमीरा पोलिस ठाण्यासमोरच असलेल्या इंटरनॅशनल बेकिंग कंपनी नावाच्या बेकरीत आज सकाळी गोळीबाराचा प्रयत्न झाला. एका तरुणाने दुकानदारावर बंदूक रोखल्याने परिसरात भीतीचे वातावरण निर्माण झाले आहे.

सकाळी ११ वाजण्याच्या सुमारास एक हेल्मेट घातलेला तरुण दुकानात शिरला आणि त्याने दुकानदारांवर बंदूक रोखली परंतु तो गोळीबार करू शकला नाही म्हणून त्याने काही न बोलताच दुकानातून पळ काढला. या घटनेमुळे परिसरात दहशत पसरली असून त्या भागातील वातावरण तंग झाले आहे. पोलिस उपायुक्त जयंत बजबळे तसेच काशीमीरा पोलिस ठाण्याचे वरिष्ठ पोलीस निरीक्षक संदिप कदम यांनी घटनास्थळाला भेट दिली असून पोलिस त्या इसमाचा शोध घेत आहेत.

सदर दुकान अनेक गुन्हे दाखल असलेल्या या भागातील पटेल कुटुंबीयांचे आहे. त्यामुळे उलटसुलट चर्चा सुरू असून गुटखा, जमिनीचा वाद, दहशत पसरवणे असे अनेक तर्कवितर्क लावून पाहिले जात आहेत. पोलीस सर्व बाबी तपासून पाहत असल्याचे पोलिस सूत्रांनी सांगितले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

 

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -