Nashik Crime news : २५ लाखांसाठी डॉक्टर पत्नीचा खून; सासऱ्यासह डॉक्टर पतीवर गुन्हा दाखल

  283

काय आहे प्रकरण?


नांदगाव : नांदगाव तालुक्यातील न्यायडोंगरी येथे २५ लाखांसाठी डॉक्टर पतीने समव्यावसायिक असलेल्या पत्नीचा खून केल्याची धक्कादायक घटना उघडकीस आली आहे. गावात दुसऱ्यांदा खुनाची घटना घडल्यामुळे एकच खळबळ उडाली आहे. याबाबत डॉक्टर पत्नीच्या भावाने नांदगाव पोलीस ठाण्यात फिर्याद दाखल केली. डॉक्टर पती व सासऱ्याविरोधात खुनाचा गुन्हा दाखल करण्यात आला आहे.


गेल्या आठवड्यात न्यायडोंगरी गावात दारूड्या पतीचा पत्नीने आपल्या अल्पवयीन मुलाच्या साहाय्याने खून केल्याची घटना ताजी असतानाच पुन्हा न्यायडोंगरी गावात दुसरा खुनाचा गुन्हा घडल्यानंतर न्यायडोंगरी हादरून गेली आहे. मृत डॉ. भाग्यश्री किशोर शेवाळे (वय २७, रा. न्यायडोंगरी) हिला दगडाने ठेचून व काचेच्या बाटलीने वार करून ठार मारण्यात आले, अशी फिर्याद मृत डॉ. भाग्यश्री शेवाळे यांचा भाऊ सचिन कैलास साळुंखे (रा. तितरखेडा, ता. वैजापूर, जि. छत्रपती संभाजीनगर, ह.मु. रॉयल लॉन्सच्या बाजूला वाळुज, ता. जिल्हा छत्रपती संभाजीनगर) यांनी दिली. नांदगाव पोलीस ठाण्यात डॉ. किशोर शेवाळे व त्यांचे वडील नंदू राघो शेवाळे यांच्याविरोधात रजिस्टर नंबर CCTNS ४४५ / २०२३ भादंवि कलम ३०२, ३०४ (ख) ३४ प्रमाणे खुनाचा गुन्हा दाखल करण्यात आला आहे.


याबाबत माहिती अशी की, गेल्या २७ सप्टेंबरला संध्याकाळी साडेसहा ते रात्री अकरा दरम्यान मन्याड फाटा या ठिकाणी दुचाकीचा अपघात झाल्याचा बनाव करून डॉ. भाग्यश्री मृत झाल्याचे सांगितल्याने चाळीसगाव पोलीस ठाण्यात अकस्मात मृत्यूची नोंद करण्यात आली. पण घटनास्थळ नांदगाव पोलीस ठाण्याच्या हद्दीत येत असल्याने शून्य नंबरने नांदगाव येथे वर्ग करण्यात आला होता.


काल तब्बल १५ दिवसांनंतर मृत डॉ. भाग्यश्रीचा भाऊ सचिन साळुंखे याने दिलेल्या फिर्यादीत म्हटले आहे की, माझी बहीण भाग्यश्रीकडे पती डॉ. किशोर, तिचे सासरे नंदू शेवाळे नेहमी घर व दवाखाना बांधण्यासाठी २५ लाख रुपये घेऊन ये, अशी मागणी करीत होते. ही मागणी तिच्याकडून पूर्ण न झाल्याने केवळ २५ लाखांसाठी संशयित डॉ. किशोर शेवाळे, नंदू शेवाळे यांनी डॉ. भाग्यश्रीला दगडाने ठेचून व काचेच्या बाटलीने वार करून मारल्याचा आरोप केला आहे. या घटनेचा तपास मनमाड उपविभागीय पोलीस अधिकारी सोहेल शेख यांच्या मार्गदर्शनाखाली नांदगाव पोलीस ठाण्याचे पोलीस निरीक्षक प्रीतम चौधरी, उपनिरीक्षक नितीन खंडागळे, मनोज वाघमारे, संतोष बहाकर करत आहेत.



Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

 
Comments
Add Comment

XI Admission List: अकरावी प्रवेशाची पहिली यादी जाहीर, कुठं पाहाल यादी? जाणून घ्या

अकरावी प्रवेशाची यादी दोन दिवसांआधीच जाहीर  मुंबई :   अकरावीत प्रवेश घेणाऱ्या विद्यार्थ्यांसाठी एक मोठी बातमी

कोल्हापुरात जुन्या मराठी सिनेमांचं होणार मोफत प्रदर्शन, सांस्कृतिक मंत्री आशिष शेलार यांची घोषणा...

कोल्हापूर : येणाऱ्या वर्षभरात ‘कलापूर’ म्हणून ओळखल्या जाणाऱ्या कोल्हापूरमध्ये सांस्कृतिक कार्य विभागाकडून

किनारपट्टीवर 3.8 मीटर उंच लाटा धडकणार, लहान होड्यांना समुद्रास न जाण्याच्या सूचना...

मुंबई : राज्यात पुढील २४ तासात पुणे घाट, सातारा घाट परिसरात ऑरेंज अलर्ट देण्यात आला असून भारतीय राष्ट्रीय महासागर

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.

शेतीच्या वादावरून पुतण्याने केला काकी आणि चुलत भावाचा खून : वर्ध्यातील धक्कादायक प्रकार

वर्धा : शेती वाटपावरून २ जणांची कुऱ्हाडीने वार करत हत्या करुन , नंतर आरोपीने देखील विष पिऊन आत्महत्या केल्याचा

महिलांना नेतृत्वाची संधी ! जिल्ह्यातील ७७५ सरपंच पदाचं आरक्षण जाहीर, महिलांची आकडेवारी किती ?

मुंबई : राज्यातील ग्रामीण भागात ७५५ ग्रामपंचायतींचे आरक्षण नुकतेच जाहीर करण्यात आले आहे. त्यामुळे २०११ च्या