Sunday, July 21, 2024
Homeताज्या घडामोडीNanded death case : औषधांची, डॉक्टरांची कमतरता नव्हती; नांदेड मृत्यू प्रकरणी मुख्यमंत्र्यांचा...

Nanded death case : औषधांची, डॉक्टरांची कमतरता नव्हती; नांदेड मृत्यू प्रकरणी मुख्यमंत्र्यांचा खुलासा

मुंबई : नांदेडच्या शासकीय रुग्णालयातील दुर्घटनेप्रकरणी (Nanded death case) आज मंत्रिमंडळाच्या बैठकीत चर्चा करण्यात आली. यानंतर मुख्यमंत्री एकनाथ शिंदे यांनी माध्यमांशी संवाद साधला.

२४ तासांत येथे ३१ जणांचा मृत्यू झाला आहे. मिळालेल्या माहितीनुसार, रुग्णालयात औषधांचा पुरवठा होत नसल्याने गंभीर समस्यांनी ग्रासलेल्या रुग्णांना जीव गमवावा लागला, असा आरोप होत आहे. या प्रकरणाची चौकशी करण्याची मागणी विरोधी नेत्यांनी केली आहे.

यावर मुख्यमंत्री एकनाथ शिंदे म्हणाले, ही घटना राज्य सरकारने गांभीर्याने घेतली आहे. संबंधितांना सूचना दिल्या आहेत. संबंधित मंत्री घटनास्थळी गेले आहेत. या बाबतीत प्राथमिक माहिती घेतली असता रुग्णालयात औषधांचा साठा होता. औषध खरेदीसाठी आधीच १२ कोटी रुपये दिले आहेत. रुग्णालयात औषधांचा जास्तीचा साठा होता. डॉक्टर आणि स्टाफ देखील होते.

झालेली घटना दुर्दैवी आहे. या घटनेची चौकशी होईल आणि दोषींवर कारवाई करण्यात येईल. मृत्यू झालेल्यांमध्ये काही वयोवृद्ध लोक होते. अपघात केस होत्या. काही लहान मुलं होती. ज्यांचे वजन कमी होते. अहवाल आल्यावर मी सविस्तर बोलेन, असे एकनाथ शिंदे म्हणाले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

 

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -