मुंबई : देशातील सर्वाधिक सुरक्षित शहर अशी ओळख असलेल्या मुंबईतील मुलुंड (Mulund) येथे चाकूचा धाक दाखवून एका १५ वर्षीय मुलीवर सामुहिक बलात्कार केल्याची संतापजनक घटना उघडकीस आली आहे. नराधमांनी चाकूचा धाक दाखवून तसेच आईला जीवे ठार मारण्याची धमकी देऊन अल्पवयीन मुलीवर अत्याचार केला. या घटनेमुळे मुलुंडमध्ये खळबळ उडाली आहे. या प्रकरणी एका आरोपीला अटक करण्यात आली असून पोलीस अधिक तपास करत आहेत.
पोलिसांनी या प्रकरणी भारतीय दंड विधान संहिता कलम आणि पॉक्सो कायद्यांतर्गत गुन्हा दाखल केला आहे.
पोलिसांनी दिलेल्या माहितीनुसार, या प्रकरणी पोलिसांनी २१ वर्षीय तरूणाला अटक केली आहे. तर दुसऱ्या आरोपीच्या शोधात पोलिसांचे पथक परराज्यात रवाना झाले आहे. गुंगीचे औषध देऊन अल्पवयीन मुलीवर लैंगिक अत्याचार केल्याचे एफआयआरमध्ये नमुद करण्यात आले आहे. या प्रकरणी पोलिसांनी वेगवेगळ्या अँगलने तपास सुरू केला असल्याची माहिती सुत्रांनी दिली.