Thursday, July 18, 2024
Homeदेशलडाखमध्ये लष्कराच्या वाहनाला अपघात, ९ जवान शहीद

लडाखमध्ये लष्कराच्या वाहनाला अपघात, ९ जवान शहीद

लेह: लडाखमध्ये लष्कराच्या वाहनाला दुर्देवी अपघात झाला. लडाखच्या लेह जिल्ह्यात शनिवारी संध्याकाळी लष्कराचे वाहन खोल दरीत कोसळल्याने झालेल्या अपघतात ९ जवान शहीद झालेत. तर यात एक जवान जखमी झाला आहे. लडाखच्या सुरक्षा अधिकाऱ्यांनी या बातमीला दुजोरा दिला. ही दुर्घटना दक्षिण लडाखच्या न्योमामधल केरे येथे झाले. घटनास्थळी तातडीने बचावकार्य करण्यात आले.

संरक्षण मंत्री राजनाथ सिंहांनी व्यक्त केला शोक

संरक्षण मंत्री राजनाथ सिंह यांनी या दुर्घटनेप्रकरणी शोक व्यक्त केला आहे आणि ट्वीट करत लडाखच्या लेह येथे झालेल्या दुर्घटनेत शहीद जवानांच्या मृत्यूप्रकरणी शोक व्यक्त केला. देशासाठी त्यांनी केलेली सेवा नेहमीच लक्षात राहील. माझ्या संवेदना त्यांच्या कुटुंबाप्रती कायम आहे. जखमी जवानांना फिल्ड रुग्णालयात नेण्यात आले आहे. ते ही लवकरात लवकर बरे व्हावेत अशी आशा करतो.

कारू गॅरीसनवरून क्यारीच्या दिशेने जात होते जवान

मीडिया रिपोर्ट्सनुसार संध्याकाळी ५ वाजून ४५ मिनिटांच्या सुमार कियारी येथन ७ किमी आधी दरीत वाहन कोसळले. अधिकाऱ्यांकडून मिळालेल्या माहितीनुसार लष्कराचे हे वाहन कारू गॅरीसन येथून लेह जवळील क्यारी येथे जात होते. या वाहनात एकूण १० जवान प्रवास करत होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -