Thursday, July 18, 2024
Homeताज्या घडामोडीशी..! चिकनच्या डिशमध्ये उंदराचे मांस, गुन्हा दाखल

शी..! चिकनच्या डिशमध्ये उंदराचे मांस, गुन्हा दाखल

मुंबई : वांद्रे येथील एका हॉटेलमध्ये चिकनच्या डिशमध्ये उंदराचे मांस आढळुन आल्याची धक्कादायक घटना घडली आहे. याप्रकरणी वांद्रे पोलीस ठाण्यात गुन्हा दाखल करण्यात आला आहे.

फिर्यादींनी दिलेल्या तक्रारीनुसार, पोलिसांनी मॅनेजर व्हिव्हियन अल्बर्ट शिक्वेरा (वय ४० वर्षे) आणि संबंधित हॉटेलचे आचारी त्याचबरोबर चिकनचा पुरवठा करणाऱ्यांविरोधात गुन्हा नोंद करण्यात आला आहे.

मिळालेल्या माहितीनुसार, १३ ऑगस्ट रोजी अनुराग सिंग (वय ४०) हे त्यांचा मित्र अमित यांच्यासोबत वांद्रे पश्चिम येथील पाली नाका येथील हॉटेलमध्ये जेवणासाठी गेले होते. त्यांनी रोटीसोबत चिकन आणि मटण थाळीची ऑर्डर दिली.

जेवताना त्यांना त्यामध्ये एक मांसाचा तुकडा समोर आला जो वेगळा दिसत होता. यानंतर प्लेटमध्ये निरखून पाहिले असता आणि जवळून तपासणी केल्यावर तो उंदराच्या मांसाचा तुकडा असल्याचे त्यांच्या लक्षात आले. हे पाहून अनुराग सिंग आणि अमित यांना धक्का बसला.

यानंतर अनुराग सिंग यांनी वांद्रे पोलीस ठाण्यात गुन्हा दाखल केला आहे. पोलीस पुढील तपास करत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -