भाषणाच्या सुरुवातीलाच केला अजित पवारांचा उल्लेख...
पुणे : केंद्रीय गृहमंत्री अमित शाह (Home Minister Amit Shah) काल संध्याकाळी पुण्यात दाखल झाले आहेत. अमित शहा यांच्या हस्ते 'सहकार से समृद्धी' पोर्टलचे (Sahkar se Samruddhi Portal) उद्घाटन होणार आहे. दुपारी १२ वाजल्यापासून पिंपरी चिंचवड येथील रामकृष्ण मोरे मल्टीपर्पज हॉलमध्ये हा कार्यक्रम सुरु आहे. या कार्यक्रमात अमित शाह यांनी भाषणाच्या सुरुवातीलाच राज्याचे उपमुख्यमंत्री अजित पवार (Ajit Pawar) यांच्यासाठी एक खास गोष्ट सांगितली.
अमित शाह म्हणाले, 'सगळ्यात आधी अजितदादा उपमुख्यमंत्री झाल्यावर पहिल्यांदाच मी त्यांच्यासोबत एकाच मंचावर येऊन कार्यक्रम करत आहे. त्यामुळे मी दादांना एक गोष्ट सांगू इच्छितो की, बर्‍याच कालावधीनंतर तुम्ही योग्य जागेवर बसला आहात. हीच जागा योग्य होती मात्र तुम्ही खूप वेळ लावला', असं सूचक वक्तव्य अमित शाह यांनी केलं आहे.
पुण्यातील या कार्यक्रमाला राज्याचे मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस (Devendra Fadnavis) देखील उपस्थित आहेत. अमित शाह यांच्या या विधानामुळे राजकीय वर्तुळात याची चांगलीच चर्चा रंगेल यात शंका नाही.
