पांढरकवडा : यवतमाळमधील टिपेश्वर अभयारण्यांतर्गत (Tipeshwar Sanctuary) पाटणबोरी वन्यजीव परिक्षेत्रांतर्गत अर्ली वर्तुळातील, भवानखोरी बिट कक्ष क्र. १०५ मध्ये गुरुवारी सकाळी एक नर वाघ मृतावस्थेत आढळून (Tiger death) आला. या वाघाचं वय अंदाजे दीड ते दोन वर्षे आहे. गस्तीवरच्या वनरक्षकांना हा मृतदेह आढळून आला. दरम्यान, हा मृत्यू तीन ते चार दिवसांपूर्वी झाला असावा, असा अंदाज वर्तवण्यात आला आहे.
गुरुवारी सकाळी वनरक्षक राजू तुमराम हे हंगामी मजुरांसह अर्ली वन वर्तुळातील, भवानखोरी बिट कक्ष क्र. १०५ मध्ये गस्त करीत असताना त्यांना एका वाघाचे शव निदर्शनास आले. त्यांनी तत्काळ याबाबत वरिष्ठांना माहिती दिली. यामुळे वनवर्तुळात खळबळ उडाली असून वाघाचा मृत्यू नेमका कशामुळे झाला, याचे गूढ अद्याप कायम आहे.
घटनेची माहिती मिळताच पशुवैद्यकीय अधिकारी तसेच वन अधिकारी यांनी घटनास्थळी जाऊन मृत वाघाचे निरीक्षण केले. प्राथमिक तपासणीत त्याच्या शरीरावर कोणत्याही प्रकारच्या जखमा आढळून आल्या नाहीत. मृत वाघ हा नर असून त्याचे संपूर्ण अवयव मृत्यूपूर्वी शाबूत असल्याचे निरीक्षणातून समजले आहे. तसेच वनअधिकारी यांनी आजूबाजूच्या परिसरात फिरती केली असता कुठेही मानवी पाऊलखुणा आढळून आल्या नाहीत.
पशुवैद्यकीय अधिकारी यांनी मृत वाघाचे त्यानंतर सर्वांसमक्ष शवविच्छेदन (Autopsy) केले. शवविच्छेदनाचे आवश्यक ते सीलबंद नमुने तपासणीसाठी उपसंचालक, प्रादेशिक न्याय सहायक, वैज्ञानिक प्रयोगशाळा, अमरावती येथे पाठविण्यात येणार आहेत. वाघाचा मृत्यू कशामुळे झाला, हे तपासणीचा अहवाल प्राप्त झाल्यावर कळू शकणार आहे. या घटनेचा तपास सहायक वनसंरक्षक (वन्यजीव) रवींद्र कोंडावार करीत आहेत.
चंद्रपूर : गेल्या आठवड्यापासून चंद्रपूर जिल्ह्याला तीव्र उन्हाचा तडाखा बसत असून दिनांक २१ ते २४…
कोलकाता: इंडियन प्रीमियर लीग २०२५मध्ये कोलकाता नाईट रायडर्सचा गुजरात टायटन्सविरुद्ध लाजिरवाणा पराभव झाला आहे. गुजरातने…
२४ एप्रिलला एकनाथ शिंदे यांची शक्तिप्रदर्शन सभा! सिंधुदुर्ग : राज्याचे उपमुख्यमंत्री आणि शिवसेना पक्षप्रमुख एकनाथ…
माजी नगरसेवक राकेश कांदे यांचा वैभव नाईकांना थेट इशारा सिंधुदुर्ग : चेंदवण येथील सिद्धिविनायक उर्फ…
लहान नाल्यातील गाळ काढण्यापूर्वीचे आणि नंतरचे सीसीटीव्हीद्वारे चित्रीकरण मुंबई (खास प्रतिनिधी): पावसाळापूर्व कामांचा भाग म्हणून…
PM Modi : आजची धोरणे, निर्णय पुढील हजार वर्षांच्या भविष्याला आकार देणार आहेत : पंतप्रधान…