पुणे : ‘बिपरजॉय’ चक्रीवादळाने आपला मार्ग गुजरात आणि पाकिस्तान किनारपट्टीकडे वळवला आहे. ‘बिपरजॉय’ चक्रीवादळाने मार्ग बदलल्याने हे चक्रीवादळ आता गुजरात आणि पाकिस्तानच्या किनारपट्टीवर धडकणार असल्याची शक्यता हवामान विभागाकडून वर्तवण्यात आली आहे. यामुळे ‘बिपरजॉय’ चक्रीवादळ आणखी १० दिवस लांबणार असल्याचीही शक्यता आहे.
बिपरजॉय चक्रीवादळ पूर्व मध्य अरबी समुद्रावर ११ जून रोजी रात्री साडेअकरा वाजता अक्षांश १८.९N आणि लांब ६७.७E जवळ होते. हे चक्रीवादळ १५ जूनच्या दुपारपर्यंत मांडवी (गुजरात) आणि कराची (पाकिस्तान) दरम्यान धडकण्याची शक्यता हवामान विभागाने ट्टिटद्वारे दिली होती.
आज सोमवारी सकाळी साडेपाच वाजता हे चक्रीवादळ अक्षांश १९.२N आणि लांब ६७.७E जवळ होते. यामुळे ते १५ जून रोजी दुपारी गुजरातमधील जकाऊ पोर्ट येथे धडकणार असल्याने हवामान विभागाने सौराष्ट्र आणि कच या भागात ऑरेंज अलर्ट जाहीर केला आहे.
काही दिवसांपासून ग्लोबल वार्मिंगमुळे अरबी समुद्रावरील चक्रीवादळ वारंवार रौद्र रुप धारण करीत असल्याचे हवामान तज्ज्ञांसमोर आले होते. अरबी समुद्रात तयार झालेल्या कमी दाबाच्या पट्ट्याचे १० दिवसानंतर ६ जून रोजी चक्रीवादळात रुपांतर झाले. हे चक्रीवादळ मोखा चक्रीवादळानंतरचे सर्वात शक्तिशाली चक्रीवादळ असून ते अलीकडच्या दशकात भारतावर प्रभाव टाकणारे आणि सर्वात दीर्घकाळ टिकणारे चक्रीवादळ ठरणार असल्याची माहिती भारतीय हवामान विभागाकडून मिळाली. हे चक्रीवादळ मोखा चक्रीवादळानंतरचे सर्वात शक्तिशाली चक्रीवादळ असल्याचे बोलले जात आहे.
मुसळधार पावसाचा पालघरमध्ये पहिला बळी पालघर : मुंबई, ठाण्यासह उपनगरीय भागात काल रात्रभर जोरदार पाऊस…
मुंबई : कांदिवली पश्चिमेकडील पोयसर नदीवर बसवण्यात आलेल्या सक्शन पंपाचे पाईप फुटल्याने आज कांदिवलीत मोठ्या…
मुंबई मनपा, पोलीस प्रशासन आणि आपत्कालीन यंत्रणेला सहकार्य करा : एकनाथ शिंदे अजित पवार यांनीही…
हार्बर रेल्वे तसेच मेल एक्स्प्रेस रद्द झाल्याने अडकलेल्या प्रवाशांच्या सोयीसाठी बससेवा मुंबई : मुंबईत काल…
मुसळधार पावसामुळे घडली दुर्दैवी घटना मुंबई : मुंबईसह ठाणे आणि उपनगरांत काल रात्रीपासून मुसळधार पाऊन…
मुंबई : राज्य विधिमंडळाच्या पावसाळी अधिवेशनात (Maharashtra Monsoon Sessions) आज एक महत्त्वाचा ठराव मांडला जाण्याची…