मुंबई : अखिल भारतीय मराठी नाट्यपरिषदेच्या अध्यक्ष व इतर पदांसाठीची निवडणूक आज पार पडेल. या नाट्यपरिषदेच्या निवडणुकीत यंदा भाजपनेही आपला सहभाग दर्शवला आहे. अध्यक्षपदासाठी निवडणूक लढवणा-या प्रशांत दामले यांना उद्योग मंत्री उदय सामंत यांचा तर प्रसाद कांबळी यांना भाजप आमदार आशिष शेलार यांचा पाठिंबा मिळत आहे.
या निवडणुकीसाठी महाराष्ट्रातून ६० उमेदवार दाखल झाल्याची माहिती मिळत आहे. राजकीय रंग आलेल्या या निवडणुकीत अध्यक्षपद कोणाला मिळणार हे पाहणं औत्सुक्याचं ठरेल. दरम्यान प्रशांत दामले यांचं पारडं जड मानलं जात आहे.