मुंबई (प्रतिनिधी) : मुंबई महापालिकेतर्फे मुंबईकरांना २४ लसीकरण केंद्रांवर आता नाकावाटे घ्यावयाच्या इन्कोव्हॅक लस देण्यात येणार आहे. या कोरोना – १९ प्रतिबंधक लसीकरणाला आजपासून प्रारंभ करण्यात येणार आहे. मात्र ६० वर्षे वयावरील पात्र नागरिकांना, त्यांनी कोविशिल्ड अथवा कोवॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक लसीची प्रतिबंधात्मक मात्रा देण्यात येणार आहे.
पालिका कार्यक्षेत्रात १६ जानेवारी २०२१ पासून कोरोना-१९ प्रतिबंधात्मक लसीकरण मोहीम सुरू झाली होती. प्रारंभी प्राधान्य गटांचे व त्यानंतर १ मे २०२१ पासून १८ वर्षं वयावरील सर्व नागरिकांचे कोरोना लसीकरण करण्यात आले होते. कोरोना-१९ लसीची प्रतिबंधात्मक मात्रा १० जानेवारी २०२२ पासून देण्यात येत आहेत. २६ एप्रिलअखेरपर्यन्त,२ कोटी २१ लाख ९६ हजार ९९५ नागरिकांना कोरोना प्रतिबंधक लसीची पहिली, दुसरी आणि प्रतिबंधात्मक मात्रा देण्यात आली आहे.
महाराष्ट्र राज्य शासनाच्या मार्गदर्शक सूचनेनुसार २८ एप्रिलपासून इन्कोव्हॅक ही लस ६० वर्ष वयावरील नागरिकांना प्रतिबंधात्मक मात्रा म्हणून देण्यात येणार आहे. कोविशिल्ड अथवा कोवॅक्सिनची दुसरी मात्रा घेतल्यानंतर सहा महिन्यांनी इन्कोव्हॅक लसीची प्रतिबंधात्मक मात्रा घेता येईल. कोविशिल्ड अथवा कोवॅक्सिन व्यतिरिक्त दिलेल्या इतर कोणत्याही लसीसाठी प्रतिबंधात्मक मात्रा म्हणून इन्कोव्हॅक लस देता येणार नसल्याचे पालिकेने स्पष्ट केले आहे. मुंबई महानगर क्षेत्रातील २४ ठिकाणी इन्कोव्हॅक लस स्थळ नोंदणी अर्थात ऑनस्पाट नोंदणीद्वारे देण्यात येईल.
मुंबई: आचार्य चाणक्य यांनी अशा घरांचे वर्णन निती शास्त्रात केले आहे जिथे लक्ष्मी मातेला जायला…
मुंबई : आयसीसी टी २० विश्वचषक स्पर्धेत टीम इंडियाने दैदीप्यमान कामगिरी करत विश्वचषक जिंकला. भारतीय…
मुंबई: Motorola Razr 50 Ultra गुरूवारी भारतात लाँच करण्यात आला. हा कंपनीचा नवा क्लॅमशेल-स्टाईलचा फोल्डेबल…
मुंबई: टी-२० वर्ल्डकप २०२४ जिंकून आलेल्या टीम इंडियाचे गुरूवारी मुंबईत अतिशय भव्य दिव्य स्वागत झाले.…
थिरुवनंतपुरम : केरळमध्ये दुषित पाण्यात आंघोळ केल्यामुळे १४ वर्षांच्या मुलाचा मृत्यू झाला आहे. अमिबामुळे मेंदूला…
मुंबई: भारतीय खेळाडू टी-२० वर्ल्डकप जिंकल्यानंतर मायदेशात परतले आहेत. यानंतर रोहित शर्माच्या नेतृत्वातील टीम इंडियाच्या…