मुंबई: जिओ सिनेमावर आयपीएल फुकटात पाहत असाल तर एक वाईट बातमी आहे. रिलायन्स इंडस्ट्रीजच्या या ओटीटी प्लॅटफॉर्म पैसे आकारले जाणार आहेत. जिओ सिनेमाकडे इंडियन प्रीमियर लीगचे (IPL) डिजिटल राइट्स आहेत. जिओने आयपीएल संपल्यानंतर पेड सेवा अर्थात सब्सक्रिप्शन सुरू करण्याचे जाहीर केले आहे.
रिलायन्सच्या मीडिया व कंटेंट बिझनेसच्या अध्यक्षा ज्योती देशपांडे यांनी एका मुलाखतीत सांगितले की, या सेवेसाठी शुल्क किती ठेवायचे हे अद्याप ठरले नाही. पुढील महिन्यात आयपीएल संपण्यापूर्वी हे शुल्क जाहीर केले जाईल. तोपर्यंत प्रेक्षकांना मोफत सामने पाहता येतील, असेही त्या म्हणाल्या.
