अनिल जयसिंघानीचा उद्धव ठाकरेंबरोबरचा फोटो व्हायरल

अमृता फडणवीस ब्लॅकमेल प्रकरणात ट्विस्ट


मुंबई : राज्याचे उपमुख्यमंत्री देवेंद्र फडणवीस यांची पत्नी अमृता फडणवीस यांना ब्लॅकमेल केल्याच्या आरोपाप्रकरणी अटकेत असलेल्या अनिक्षा जयसिंघानीचे वडील अनिल जयसिंघानी याचा उद्धव ठाकरेंबरोबरचा एक फोटो व्हायरल झाल्याने आता या प्रकरणात नवा ट्विस्ट आला आहे.



अमृता फडणवीस यांनी अनिक्षाबरोबर तिचे वडिल अनिल जयसिंघानी यांच्याविरोधाताही तक्रार दाखल केली आहे. अनिल जयसिंघानी हा ५ राज्यात वॉन्टेड आहे, इतकेच नाही तर ८ वर्षांपासून तो फरार आहे. आता अनिल जयसिंघानी याचा एक फोटो सोशल मीडियात व्हायरल झाला असून महाराष्ट्राच्या राजकारणात खळबळ उडाली आहे. अनिल जयसिंघानी याचा ठाकरे गटाचे नेते उद्धव ठाकरेंबरोबरचा एक फोटो समोर आला आहे.



शिवसेनेत केला होता प्रवेश


अनिल जयसिंघानी याने २०१४ मध्ये शिवसेनेत प्रवेश केला होता. शिवसेना पक्ष प्रवेशाचे त्याचे फोटो आता सोशल मीडियात व्हायरल झाले आहेत. उद्धव ठाकरेंच्या उपस्थितीत त्याने शिवसेनेत प्रवेश केला होता. त्याआधी २००२ मध्ये तो उल्हासनगरमधून राष्ट्रवादी काँग्रेसचा नगरसेवक म्हणून निवडून आला होता. तर १९९५ आणि १९९७ मध्ये त्याने काँग्रेसकडून निवडणूक लढवली होती.



अमृता फडणवीस यांना ब्लॅकमेल करण्याच्या आरोपात अटकेत असलेल्या अनिक्षा जयसिंघानीला मुंबई सेशन कोर्टाने २१ मार्चपर्यंत कोठडी सुनावण्यात आली आहे. अमृता फडणवीसांना लाच देण्याचा प्रयत्न आणि धमकी दिल्याप्रकरणी आरोपी अनिक्षा अनिल जयसिंघानीला डी. बी. मार्ग पोलिसांनी अटक केली होती.



कोण आहे अनिल जयसिंघानी?


अनिल जयसिंघानी हा क्रिकेट बुकी आहे. ५ राज्यात १७ गुन्हे त्याच्या नावावर दाखल आहेत. गेल्या ८ वर्षांपासून तो फरार आहे. सट्टेबाजी प्रकरणात अनिल जयसिंघानीला तीन वेळा अटक करण्यात आली आहे. तर गोवा पोलिसांनी ११ मे २०१९ रोजी अनिल जयसिंघानी याच्याविरोधात लुकआऊट नोटीसही जारी केली होती. मिळालेल्या माहितीनुसार, आठ वर्षांपूर्वी २०१५ मे मध्ये गुजरात ईडीने जयसिंघानी याच्या दोन घरांवर छापा मारला होता. जयसिंघानी विरोधात मनी लॉण्ड्रींग प्रकरणात गुन्हाही दाखल करण्यात आलेला आहे. पण तब्येतीचे कारण देत तो फरार झाला. त्यानंतर मुंबईतल्या दोन पोलीस ठाण्यात त्याच्याविरोधात फसवणूकीचा गुन्हा दाखल करण्यात आला होता.


अनिल जयसिंघानी बीसीसीआयच्या भ्रष्टाचार विरोधी पथकाच्याही रडारवर आहे. अनिल जयसिंघानी उल्हासनगरमध्ये क्रिकेट बुकी म्हणून काम करत होता. अहमदाबाद सेशन कोर्टानेही त्याच्याविरोधात अजामिनपात्र वॉरंट जारी केले आहे. गुजरात इडीव्यतिरिक्त, मुंबई, ठाणे, आसाम, मध्य प्रदेश मध्येही त्याच्या शोध सुरु आहे.

Comments
Add Comment

खोकल्याच्या सिरपमुळे बालकांचा मृत्यू; खबरदारीसाठी राज्याने 'हा' टोल-फ्री क्रमांक केला जारी!

मुंबई: मध्य प्रदेश आणि राजस्थानसह देशातील काही राज्यांमध्ये 'कोल्ड्रिफ' (Coldrif) नावाच्या खोकल्याच्या सिरपमुळे काही

लाडक्या बहिणींची 'ई केवायसी'तील तांत्रिक अडचण लवकर दूर करणार, मंत्री आदिती तटकरेंचे आश्वासन

मुंबई(प्रतिनिधी): मुख्यमंत्री माझी लाडकी बहीण योजनेच्या सर्व लाभार्थी महिलांना आता 'ई-केवायसी' बंधनकारक केली आहे.

ठाकरे बंधूंची मात्रोश्रीवर भेट, राज्याच्या राजकारणात नव्या समीकरणांच्या शक्यता

मुंबई : महाराष्ट्राच्या राजकारणात पुन्हा एकदा ठाकरे बंधूंच्या जवळीकीच्या बातम्या चर्चेत आल्या आहेत. शिवसेना

रेल्वे , बेस्ट, एसटी , मेट्रो... आता एकाच कार्डवर फिरू मुंबई ...

मुंबई : सार्वजनिक वाहतूक व्यवस्था ही एकाच प्लॅटफॉर्म आणण्याचे पंतप्रधान नरेंद्र मोदींचे स्वप्न होते. त्याच

अंधेरी ते मालाड प्रवास सहा मिनिटांत करता येणार

मुंबई : पश्चिम उपनगरातील अंधेरी ते मालाड या पट्ट्यात प्रचंड लोकवस्ती आहे. मध्यमवर्गीय, उच्च मध्यमवर्गीय,

गोरेगाव-मुलुंड जोड मार्गाच्या जुळ्या बोगद्याचे काम नवीन वर्षापासून

मुंबई (खास प्रतिनिधी) :गोरेगाव-मुलुंड जोड मार्ग प्रकल्पातंर्गत दादासाहेब फाळके चित्रनगरी परिसरात उभारण्यात