मुंबई (वार्ताहर) : बीएमसीने दिलेल्या आकडेवारीनुसार, रविवारी मुंबईत २३४ नव्या रुग्णांची भर पडली आहे. मागील २४ तासांत मुंबईत एकाही कोरोनाबाधित रुग्णाचा मृत्यू झालेला नसून १५१ रुग्णांनी कोरोनावर मात केली आहे. गेल्या २४ तासात मुंबईमध्ये १५१ रुग्ण कोरोनामुक्त झाले आहेत. मुंबईमध्ये सध्या १२९४ सक्रिय रुग्ण आहेत.
मुंबईमध्ये आतापर्यंत १०,४२,०४८ रुग्ण कोरोनामुक्त झाले असून बरे झालेल्या रुग्णांचे प्रमाण हे ९८ टक्के आहे. तसेच मुंबईतील रुग्ण दुप्पटीचा कालावधी कालावधी ४२०८ झाला आहे.
मुंबईत सध्या एकही इमारत, झोपडपट्टी सील नाही. गेल्या आठवडाभरातील कोरोना वाढीचा दर ०.०१६ टक्के इतका आहे. मुंबईत दिवसभरात आढळून आलेल्या २३४ रुग्णांपैकी २२६ म्हणजेच ९७ टक्के लक्षणे नसलेले रुग्ण आहेत. मुंबईत रुग्णालयांमध्ये २४ हजार ५१० बेड्स असून त्यापैकी ४३ बेडवर रुग्ण आहेत. मुंबईत ९९ टक्क्यांहून अधिक बेड रिक्त आहेत.