राजस्थानच रॉयल्स लखनऊवर २४ धावांनी विजय

  102

मुंबई (प्रतिनिधी) : गुजरातच्या ‘प्ले-ऑफ’मधील प्रवेशानंतर राजस्थान आणि लखनऊ यांच्यातील रविवारच्या लढतीकडे सर्वांच्या नजरा लागल्या होत्या. या सामन्यात राजस्थानने लखनऊला चीत करत त्यांचा ‘प्ले-ऑफ’मधील प्रवेश आणखी लांबवला. विजयामुळे राजस्थानने गुणतालिकेत दुसऱ्या स्थानी झेप घेत ‘प्ले-ऑफ’च्या दिशेने पाऊल टाकले असून रेसमधील रंगत आणखी वाढवली आहे.


प्रत्युत्तरार्थ फलंदाजी आलेल्या लखनऊच्या पहिल्या तीन फलंदाजांनी निराश केले. त्यामुळे संघ २९ धावांवर ३ फलंदाज बाद अशा अडचणीत सापडला. त्यानंतर दीपक हुडा आणि कृणाल पंड्या या जोडीने लखनऊला संकटातून सावरत धावगतीलाही वेग दिला. त्यामुळे संघाच्या विजयाच्या आशा जिवंत होत्या. मात्र कृणाल पंड्या आणि दीपक हुडा बाद झाल्यानंतर संघाच्या फलंदाजीला पुन्हा गळती लागली. पंड्याने २५ तर हुडाने ५९ धावांची कामगिरी केली. त्यानंतर मार्कस स्टॉयनीसने एकाकी झुंज देत लखनऊचा विजय लांबवला. मात्र त्याला संघाला विजय मिळवून देता आला नाही. राजस्थानच्या ट्रेंट बोल्टने ४ षटकांत अवघ्या १८ धावा देत २ बळी मिळवले. राजस्थानने हा सामना २४ धावांनी जिंकला.


तत्पूर्वी राजस्थानला चांगली सुरुवात करता आली नसली तरी सांघिक फलंदाजीमुळे त्यांना १७८ धावांपर्यंत मजल मारता आली. जोस बटलरने राजस्थानच्या चाहत्यांना निराश केले. यशस्वी जयस्वाल, संजू सॅमसन आणि देवदत्त पडीक्कल यांनी धावा जमवल्याने बटलरच्या अपयशानंतरही राजस्थानच्या धावसंख्येला चाप लावणे लखनऊला जमले नाही. यशस्वीने २९ चेंडूंत ४१ धावा केल्या.


पडीक्कलने १८ चेंडूंत ३९ धावांचे योगदान दिले, तर संजू सॅमसनने २४ चेंडूंत ३२ धावा जमवल्या. विशेष म्हणजे लखनऊने त्यांच्या ताफ्यातील गोलंदाजांचा पुरेपूर वापर करून घेतला. त्यांनी ८ गोलंदाजांकडून गोलंदाजी करून घेतली. मात्र त्यातील एकाही गोलंदाजाला फारसा प्रभाव टाकता आला नाही. त्यातत्या त्यात आवेश खानने बरी गोलंदाजी केली. त्याने ३ षटकांत २० धावा देत १ बळी मिळवला. रवी बिश्नोईने ४ षटकांत ३१ धावा देत २ बळी मिळवले.

Comments
Add Comment

मिस्टर ३६०' एबी डिव्हिलियर्सचे आरसीबीमध्ये पुनरागमनाचे संकेत, पण नव्या भूमिकेत!

बंगळुरू: रॉयल चॅलेंजर्स बंगळूर (RCB) संघाचा लाडका खेळाडू, 'मिस्टर ३६०'

Dream11 OUT Team India Sponsorship : ऑनलाइन गेमिंग कायद्याचा फटका; BCCI ला तब्बल ११९ कोटींचा दणका, सरकारच्या निर्णयामुळे Dream११ मागे

मुंबई : भारत सरकारने अलीकडेच ऑनलाइन गेमिंग कायदा लागू केला आहे. या कायद्यानुसार पैशांच्या आधारे खेळल्या

Pujara Retirement : टीम इंडियामधून ९ महिन्यांत ४ दिग्गजांनी घेतली निवृत्ती

मुंबई: भारतीय क्रिकेट संघात गेल्या काही महिन्यांपासून निवृत्तीची त्सुनामी आल्याचे चित्र आहे. गेल्या ९

Virat Kohli Comeback: विराट कोहली धमाकेदार पुनरागमनासाठी सज्ज! लॉर्ड्स क्रिकेट ग्राउंडवर सराव करताना दिसला

लॉर्ड्स : टीम इंडियाचा माजी कर्णधार विराट कोहली सध्या आंतरराष्ट्रीय क्रिकेटपासून दूर आहे. इंडियन प्रीमियर लीग (IPL)

भारत-पाकिस्तान सामन्यांबाबत भारत सरकारची कठोर पाऊले, आशिया कपबद्दलही महत्त्वाचा निर्णय

नवी दिल्ली: भारत सरकारने भारत-पाकिस्तान क्रीडा सामन्यांबाबत कठोर भूमिका घेतली आहे. भारतीय संघ पाकिस्तानमध्ये

Bronco Test काय आहे? भारतीय क्रिकेटपटूंना फिटनेसाठी आता द्यावी लागणार ही टेस्ट

नवी दिल्ली: भारतीय क्रिकेटमध्ये फिटनेसबाबत मोठा बदल करण्यात आला आहे. टीम इंडियाच्या वेगवान गोलंदाजांसाठी आता