गुजरात (हिं.स.) : दिल्लीपाठोपाठ पंजाबच्या सत्तेवर काबिज होणाऱ्या आम आदमी पार्टीला (आप) गुजरातमध्ये निवडणुकीपूर्वीच जबर धक्का बसला आहे. गुजरातमधील आपच्या १५० नेत्यांनी भाजपमध्ये प्रवेश घेतला आहे.
यासोबतच राज्यातील काँग्रेसचे अनेक कार्यकर्ते भाजप प्रवेशासाठी सरसावल्याची माहिती आहे. विधानसभा निवडणुकीच्या पार्श्वभूमीवर आम आदमी पक्षाने गुजरातमध्ये पक्ष विस्तारासाठी प्रयत्न सुरू केले आहेत.
गुजरात, झारखंड आणि कर्नाटकात विधानसभेच्या निवडणुका होणार आहेत आणि त्यापूर्वीच पक्षाला हा धक्का मानला जात आहे. मोठ्या संख्येने आप नेत्यांनी पक्षाला राम-राम ठोकला आहे. त्यामुळे पक्षात चिंतेचे वातावरण निर्माण झाले आहे.