मुंबई: पाकिस्तानने बांगलादेशवर ५ धावांनी विजय मिळवताच अंडर १९ वर्ल्डकप २०२४मधील सेमीफायनलमध्ये पोहोचणारे ४ संघ निश्चित झाले आहेत. पाकिस्तानने सुपर सिक्समधील शेवटच्या सामन्यात बांगलादेशवर रोमहर्षक पद्धतीने विजय मिळवला.
भारत, ऑस्ट्रेलिया आणि दक्षिण आफ्रिका हे तीन संघ आधीच सुपर ४मध्ये पोहोचले होते. वर्ल्डकपमधील पहिला सेमीफायनलचा सामना ६ फेब्रुवारीला रंगणार आहे. तर दुसरा सेमीफायनलचा सामना ८ फेब्रुवारीला रंगणार आहे.
पहिल्या सेमीफायनलमध्ये भारताचा सामना दक्षिण आफ्रिकेशी रंगणार आहे जो ६ फेब्रुवारीला होईल. भारतीय वेळेनुसार हा सामना दुपारी दीड वाजता सुरू होईल. वर्ल्डकपचा देवादेर भारतीय संघ या स्पर्धेत अजेय आहे. उदय सहारनच्या नेतृत्वात संघाने आपल्या सुपर ६ मधील सामन्यात नेपाळवर मात देत सेमीफायनलमधील स्थान पक्के केले. भारताने लीग स्टेजमध्ये ३ तर सुपर सिक्समध्ये २ सामने जिंकले.