Chalisgaon : आई-वडिलांचा सांभाळ करण्यावरून सख्ख्या भावांमध्ये झालेला वाद थेट हाणामारीपर्यत पोहोचल्याची घटना चाळीसगाव तालुक्यातील करगाव तांडा नं. ४ येथे घडली. या घटनेत वृद्ध आई-वडिलांनाही मारहाण झाल्याचा आरोप असून, याप्रकरणी मोठ्या भावासह त्याच्या पत्नीविरोधात चाळीसगाव ग्रामीण पोलिस ठाण्यात (Chalisgaon Rural Police Station) गुन्हा दाखल करण्यात आला आहे. ही घटना १७ ऑगस्ट रोजी रात्री आठ वाजेच्या सुमारास घडली.
दक्षिण भारतात कोणत्याही सण-समारंभाला किंवा पारंपरिक लग्नसमारंभात केळ्याच्या पानावर जेवण वाढण्याची पद्धत अत्यंत लोकप्रिय आहे. केरळच्या प्रसिद्ध ...
नेमकं प्रकरण काय ?
करगाव तांडा नं. ४ येथील वृद्ध दाम्पत्याला तीन मुले आहेत. हे दाम्पत्य लहान मुलाकडे गेले असताना मधला मुलगा त्यांना जेवणाचा डबा देण्यासाठी आला होता. त्यावेळी मोठा भाऊ घराबाहेर उभा होता. मधल्या भावाने मोठ्या भावाला, आई-वडील तुझेही आहेत, तू देखील त्यांना खाऊ-पिऊ घातले पाहिजे, असे सांगितले. यावरून दोघांमध्ये वाद झाला. मोठ्या भावाने शिवीगाळ केल्याचा आरोप आहे. त्यानंतर मधल्या भावाने शिवीगाळ करू नको, असे सांगितले असता मोठ्या भावाने जवळचा दगड उचलून त्याच्या डोक्यात मारला. तसेच लाकडाने खांदा आणि उजव्या हाताच्या मनगटावर मारहाण केल्याचे फिर्यादीत नमूद आहे.
नवी दिल्ली : भारतीय तट रक्षक दलाच्या स्वर्णिम जयंतीच्या निमित्ताने, भारत फेब्रुवारी 2027 मध्ये नवी दिल्ली इथे तट रक्षक दलाच्या 5 व्या जागतिक शिखर ...
वृद्ध आई-वडिलांनाही मारहाण
दोन्ही भावांमध्ये सुरू असलेला वाद सोडवण्यासाठी वृद्ध आई-वडील मध्ये आले. यावेळी मोठ्या मुलाने वडिलांच्या डोक्यात लाकडी काठीने मारल्याचा आरोप आहे. तसेच आईला जमिनीवर ढकलून दिल्याने त्यांच्या गुडघ्याला दुखापत झाली. दरम्यान, भांडणाची माहिती मिळताच सर्वात लहान भावाचे कुटुंब घटनास्थळी धावून आले आणि त्यांनी दोन्ही भावांमधील वाद सोडवला. यावेळी मोठ्या भावाने मधल्या भावाला पुन्हा भेटल्यास मारून टाकण्याची धमकी दिल्याचेही फिर्यादीत म्हटले आहे. हाणामारीत मोबाईलचे नुकसान झाल्याचेही समोर आले आहे.
या घटनेप्रकरणी मधल्या भावाने दिलेल्या फिर्यादीवरून मोठा भाऊ आणि त्याची पत्नी या दोघांविरोधात चाळीसगाव ग्रामीण पोलिस ठाण्यात गुन्हा (Chalisgaon Rural Police Station) दाखल करण्यात आला आहे. पुढील तपास हवालदार विजय शिंदे करीत आहेत.
