मुंबई : महात्मा ज्योतिबा फुले यांच्या द्विशताब्दी जयंती वर्षानिमित्त महाराष्ट्र शासनाकडून त्यांच्या समग्र वाङ्मयाचा सात भाषांमध्ये अनुवाद करण्यात येणार आहे. हिंदी, सिंधी, गुजराती, संस्कृत, तेलुगु, बंगाली आणि गोर बंजारा या भाषांमध्ये हा ग्रंथ उपलब्ध करून देण्यात येणार असल्याची घोषणा सांस्कृतिक कार्य मंत्री ॲड. आशिष शेलार यांनी केली. (Ashish Shelar)
सांस्कृतिक कार्य विभागाच्या अंतर्गत कार्यरत असलेल्या विविध साहित्य अकादमींच्या माध्यमातून साहित्यिक आदान-प्रदानाला प्रोत्साहन देण्यासाठी प्रभादेवी येथील पु. ल. देशपांडे महाराष्ट्र कला अकादमीमध्ये एक दिवसीय अनुवाद कार्यशाळेचे आयोजन करण्यात आले होते. या कार्यशाळेचे उद्घाटन मंत्री आशिष शेलार यांच्या हस्ते झाले. (Mahatma Jyotiba Phule)
मराठीतील दर्जेदार साहित्य इतर भाषांमध्ये पोहोचावे आणि देशातील विविध भाषांमधील चांगले साहित्य मराठीत यावे, हा या कार्यशाळेचा मुख्य उद्देश आहे. भाषांची समृद्धी आणि साहित्याचा प्रसार यासाठी अशा प्रकारचे अनुवाद आणि साहित्यिक आदान-प्रदान महत्त्वाचे असल्याचे आशिष शेलार यांनी सांगितले.
मुंबई : शिवसेना पक्षाचे धनुष्यबाण चिन्ह गोठवण्याची मागणी केल्याच्या मुद्द्यावरून राजकीय वातावरण तापले आहे. उबाठा गटाच्या या भूमिकेवर शिवसेनेने सोशल ...
महात्मा ज्योतिबा फुले यांच्या द्विशताब्दी जयंती वर्षानिमित्त केंद्र आणि राज्य सरकारकडून विविध उपक्रम राबवले जाणार आहेत. त्याचाच एक भाग म्हणून फुले यांचे साहित्य सात भाषांमध्ये अनुवादित करण्याचा निर्णय घेण्यात आला आहे. या उपक्रमासाठी शासनाकडून आवश्यक ती मदत केली जाईल, असेही शेलार यांनी स्पष्ट केले.
महात्मा ज्योतिबा फुले चरित्र साधन प्रकाशन समितीने 2012 मध्ये प्रकाशित केलेल्या ‘महात्मा ज्योतिबा फुले समग्र वाङ्मय’ या ग्रंथाचा या उपक्रमासाठी आधार घेतला जाणार आहे. सुमारे 861 पानांचा हा ग्रंथ सात भाषांमध्ये अनुवादित करण्यात येणार आहे. ( Marathi Literature)
या कार्यशाळेत प्रख्यात लेखिका मंजिरी धामणकर, डॉ. शितला प्रसाद दुबे, अजित मन्याल, आलोक सिंह, प्रशांत वर्मा तसेच साहित्य अकादमीचे सचिव सचिन निबांळकर यांच्यासह विविध भाषांतील अनुवादक आणि अभ्यासक सहभागी झाले होते. या उपक्रमामुळे महात्मा फुले यांचे विचार आणि साहित्य देशातील अधिकाधिक वाचकांपर्यंत पोहोचण्यास मदत होणार आहे. (Maharashtra News)
