Nashik Crime News : नाशिक शहर व मालेगाव परिसरात आक्षेपार्ह साहित्य ठेवल्याची गुप्त माहिती दहशतवादी विरोधी पथक व गाेपनीय यंत्रणेला प्राप्त झाल्यानंतर नाशिक पोलिस आयुक्तालय व नाशिक ग्रामीण पोलिसांनी संयुक्तपणे मध्यरात्री धडक शोध मोहीम राबवली. न्यायालयाच्या सर्च वॉरंटनुसार राबवलेल्या या कारवाईमुळे नाशिक व मालेगावात (Nashik and Malegaon) खळबळ उडाली आहे. या कारवाईत पोलिसांच्या हाती कोणतीही थेट बंदी असलेली किंवा आक्षेपार्ह गोष्ट आढळलेली नसली तरी, संशयास्पद एक लॅपटॉप, चार मोबाईल आणि कापड उद्योगात वापरली जाणारी रसायने जप्त केली आहेत.
Ashok Kharat : दैवी शक्ती, मंत्र-तंत्र आणि भविष्याची भीती दाखवून महिलांवर लैंगिक अत्याचार केल्याचा आरोप असलेल्या स्वयंघोषित भोंदू अशोक खरात उर्फ ‘कॅप्टन’ ...
मालेगाव, नाशिक शहरात एकाच वेळी कारवाई
नाशिक शहरातील तीन संशयित व्यक्तींनी मालेगाव शहर पोलीस ठाण्याच्या हद्दीतील काही ठिकाणी आक्षेपार्ह साहित्य ठेवले असल्याची माहिती पोलिसांना मिळाली होती. यामध्ये मालेगावातील गल्ली क्रमांक ३ येथील पत्र्याच्या शेडमधील कापडाचे गोदाम, तसेच रक्तपेढीजवळील अहले सुन्नत मशीद, मदरसा आणि खानकाह-ए-बरकातिया या ठिकाणांचा उल्लेख होता. माहितीची खातरजमा करण्यासाठी न्यायालयाकडून शोध वॉरंट प्राप्त करण्यात आले. त्यानंतर नाशिक शहर गुन्हे शाखा आणि ग्रामीण पोलिसांनी संयुक्तपणे शोध व पडताळणी मोहीम राबवली. वरिष्ठ पोलीस अधिकाऱ्यांच्या मार्गदर्शनाखाली विविध पथके तयार करून मालेगाव आणि नाशिक शहरात एकाच वेळी कारवाई करण्यात आली.
Jalgaon Crime News: जळगाव जिल्ह्यातील पारोळा तालुक्यातील शिवरे येथे एक ह्रदयद्रावक घटना घडली आहे. ग्रामसभेत (Gram Sabha) झालेला गदारोळ ग्रामसेवकाच्या जीवावर बेतला आहे. ...
एक लॅपटॉप आणि चार भ्रमणध्वनी जप्त
१३ ऑगस्ट रोजी रात्री अडीच वाजता मालेगावातील संबंधित ठिकाणांसह नाशिक शहरातील संशयितांच्या घरांवर एकाच वेळी झडती घेण्यात आली. कायदेशीर तरतुदींनुसार सखोल तपासणी करण्यात आली. मात्र, या कारवाईत कोणतेही आक्षेपार्ह, प्रतिबंधित किंवा संशयास्पद साहित्य आढळून आले नाही. दरम्यान, एका कापड रंगविण्याच्या ठिकाणी हातमागावरील साडी निर्मितीसाठी वापरले जाणारे कॉस्मेटिक सोडा, नायट्राईड आणि सोडा हे पदार्थ आढळले. या साहित्याबाबत कोणतीही शंका राहू नये, यासाठी त्याची वैज्ञानिक तपासणी करण्याचा निर्णय घेण्यात आला. मालेगाव शहर पोलीस ठाण्याचे प्रभारी अधिकारी संदीप पाटील यांनी हे साहित्य जप्त करून पुढील तपासणीसाठी न्यायवैद्यक प्रयोगशाळेकडे पाठवले आहे.
याशिवाय नाशिक शहरातील तीन संशयित व्यक्तींची झडती घेतल्यानंतर त्यांच्या ताब्यातून एक लॅपटॉप आणि चार भ्रमणध्वनी जप्त करण्यात आले. या इलेक्ट्रॉनिक उपकरणांची न्यायवैद्यक आणि तांत्रिक तपासणी करण्यात येणार आहे. दोन्ही प्रकरणांचा तपास सध्या सुरू असून, न्यायवैद्यक तपासणीचा अहवाल प्राप्त झाल्यानंतर पुढील कायदेशीर कारवाई करण्यात येणार असल्याची माहिती पोलिसांकडून देण्यात आली आहे.
