अहिल्यानगर : अहिल्यानगर शहरातील एका खासगी इंग्रजी माध्यमाच्या शाळेत विद्यार्थ्याशी गैरवर्तन झाल्याचा धक्कादायक प्रकार समोर आला आहे. शाळेच्या प्राचार्यांनी इयत्ता तिसरीत शिकणाऱ्या 8 वर्षीय विद्यार्थ्याचा हात चावल्याचा आणि त्याचा गळा दाबून काही क्षण हवेत उचलल्याचा आरोप करण्यात आला आहे. या प्रकरणी पालकांच्या तक्रारीनंतर पोलिसांनी गुन्हा दाखल केला असून पुढील तपास सुरू आहे. (Student Assault)
मिळालेल्या माहितीनुसार, वर्गातील काही विद्यार्थ्यांमध्ये किरकोळ वाद झाला होता. त्याची माहिती एका विद्यार्थ्याने वर्गशिक्षिकेला दिली. त्यानंतर वर्गशिक्षिकेने प्राचार्य गौतम बहादुर्गे यांना वर्गात बोलावले.
नवी दिल्ली : विद्यार्थ्यांच्या एका आंदोलनादरम्यान पंतप्रधान नरेंद्र मोदी यांच्याविरोधात चुकीची भाषा वापरल्यामुळे गुन्हा दाखल झालेल्या एका मुलीचा ...
आरोपानुसार, प्राचार्यांनी विद्यार्थ्यांची समजूत काढण्याऐवजी संतापाच्या भरात संबंधित विद्यार्थ्याचा हात चावला. तसेच त्याचा गळा पकडून काही सेकंद हवेत उचलल्याचा आरोपही करण्यात आला आहे. या घटनेमुळे विद्यार्थी घाबरल्याचे सांगितले जात आहे. (Teacher)
घटनेनंतर विद्यार्थ्याचे वडील सोनल शेळके यांनी नगर तालुका पोलीस ठाण्यात तक्रार दाखल केली. त्यांच्या फिर्यादीच्या आधारे प्राचार्य गौतम बहादुर्गे यांच्याविरोधात बाल न्याय अधिनियमांतर्गत गुन्हा नोंदविण्यात आला आहे.
या घटनेनंतर संबंधित प्राचार्यावर कठोर कारवाई करण्याची मागणी विद्यार्थ्याच्या नातेवाईकांनी आणि पालकांनी केली आहे. दरम्यान, पोलिसांनी प्रकरणाचा तपास सुरू केला असून सर्व संबंधितांची चौकशी करण्यात येत आहे. तपास पूर्ण झाल्यानंतर पुढील कायदेशीर कारवाई केली जाणार असल्याची माहिती पोलिसांकडून देण्यात आली आहे. (Crime)
