Nashik Crime News : नाशिकमधून एक धक्कादायक घटना समोर आली आहे. 'सोने दुप्पट करून देतो' या आमिषाला बळी पडल्यामुळे नाशिकचे माजी महापौर अशोक मुर्तडक यांच्या कुटुंबाची तब्बल २०० तोळे सोन्याच्या दागिन्यांची फसवणूक झाल्याचा धक्कादायक प्रकार उघडकीस आला आहे. याप्रकरणी माजी महापौर अशोक मुर्तडक यांनी पंचवटी पोलिस ठाण्यात (Panchavati Police Station) गुन्हा दाखल करण्यात आला आहे. (Nashik Crime News)
Dhule Crime : साक्री तालुक्यातून एक खळबळजनक घटना समोर आली आहे. तालुक्यातील घोडदे येथे एका सेवानिवृत्त बैंक मॅनेजरच्या घरावर दरोडा पडल्याची खळबळजनक घटना ...
नेमकं प्रकरण काय ?
फिर्यादीनुसार दोन वर्षांपूर्वी माजी महापौर अशोक मुर्तडक यांची संशयित योगेश बाळकृष्ण दाभाडे (रा. नाशिक) याच्याशी ओळख झाली. त्याने घरातील महिलांचा विश्वास संपादन केला आणि महिलांना 'सोने दुप्पट करून देतो' असे आमिष दाखविले. मुर्तडक यांच्या आई दुर्गाबाई मुर्तडक आणि मावशी विठाबाई धात्रक यांनी त्यांच्या निधनापूर्वी स्त्रीधनातील जुने दागिने कुटुंबातील महिलांना वाटून दिले होते. त्यामध्ये पत्नी आशा मुर्तडक यांना १०० तोळे, मुलगी रोशनी हिला ५० तोळे आणि सून पूजा मुर्तडक यांना ५० तोळे, असे एकूण २०० तोळे सोन्याचे दागिने मिळाले होते. हे सर्व सोने दुप्पट करुन देण्याचे आमिष दाखवून दाभाडे याने १ जानेवारी २०२५ पूर्वी घरातील महिलांकडून सोनं ताब्यात घेतलं.(Nashik Crime News)
Nashik Crime News : नाशिकच्या इंदिरानगर परिसरात घडलेल्या एका घटनेनं परिसरात खळबळ उडाली आहे. नाशिकच्या इंदिरानगर परिसरात शुक्रवारी एका तरुण मुलीची निर्घृण हत्या ...
फसवणुकीचा गुन्हा दाखल
मात्र आपली फसवणूक झाल्याचे लक्षात येताच महिलांनी हा विषय अशोक मुर्तडक यांना सांगितला. त्यानंतर मुर्तडक यांनी संशयिताला घरी बोलावून किमान मूळ दागिने परत करण्याची विनंती केली. त्यावेळी दाभाडे याने दागिने परत करण्याची ग्वाही दिली. मात्र दीड वर्ष उलटूनही दागिने अद्याप परत केले नाही. अखेर फसवणूक झाल्याचे लक्षात आल्यानंतर मुर्तडक यांनी पोलिसांकडे धाव घेतली. पंचवटी पोलिसांनी संशयित योगेश दाभाडे याच्याविरुद्ध अपहार आणि फसवणुकीचा गुन्हा दाखल केला आहे. पोलीस उपनिरीक्षक सचिन चव्हाण या प्रकरणाचा तपास करीत आहेत.(Nashik Crime News)
Nashik Crime News: नाशिकला कोणाची नजर लागली की काय असा प्रश्न शहरातील वाढणाऱ्या गुन्हेगारीमुळे निर्माण झाला आहे. नाशिकच्या पंकजनगर परिसरात कचरा टाकण्याच्या ...
एप्रिलमध्ये दाभाडेकडून मुतर्डकांवर गुन्हा
चालू वर्षात म्हणजेच एप्रिल २०२६ मध्ये संशयित योगेश दाभाडे याने अशोक मुर्तडक यांच्याविरुद्ध पंचवटी पोलिसांत फिर्याद दिली होती. त्यात, मुर्तडक यांनी वर्षभरापूर्वी ९० लाख रुपये हातउसनवार घेतल्याचे नमूद केले हाेते. काही रकमेची परतफेड केल्यानंतर उर्वरित पैशांसाठी मुर्तडक यांनी गेल्या सहा महिन्यांपासून सतत मानसिक त्रास दिला. या कथित छळाला कंटाळून दाभाडेने आत्महत्येचा प्रयत्न केला होता. यानंतर, मुर्तडकांवर गुन्हा नोंदवण्यात आला होता. पंचवटी पोलिस (Panchvati Police) सध्या या दोन्ही परस्परविरोधी प्रकरणांचा आणि कोट्यवधींच्या सोन्याच्या अपहाराचा सखोल तपास करत आहेत.
