Ahmedabad : अहमदाबाद मधून एक मोठी बातमी समोर आली आहे. गुजरातच्या अहमदाबादमधील महमूदपुरा (Mahmudpura) परिसरात फटाक्यांच्या कारखान्यात भीषण स्फोट झाल्याची घटना घडली आहे. या घटनेत आठ कामगारांचा होरपळून मृत्यू झाला असून १५ जण जखमी झाल्याची माहिती पुढे येत आहे. (Massive explosion at firecracker factory)
नवी दिल्ली : शिवीगाळ आणि अश्लीलतेबाबत सर्वोच्च न्यायालयाने (Supreme Court) महत्त्वपूर्ण निरीक्षण नोंदवत मोठा निर्णय दिला आहे. 'Motherfker'** आणि 'Son of a Whe'** यांसारखे ...
नेमकं काय घडलं ?
गुजरातच्या अहमदाबाद येथील महमूदपुरा भागातील गॅट्रेड रोड येथील टॅलेंट फायरवर्क्स फॅक्ट्रीत शनिवारी मोठा स्फोट झाला आणि क्षणात आगीचा भडका उडाला, हा स्फोट इतका भीषण होता की संपूर्ण भागात मोठा आवाज झाला आणि परिसरात घबराट पसरली आहे. या भीषण दुर्घटनेत आता पर्यंत आठ जणांचे प्राण गेले आहेत. या स्फोटाची माहिती समजताच अग्निशमन दलाच्या गाड्या घटनास्थळी रवाना झाल्या आणि जवानांनी आगीवर नियंत्रण मिळवण्याचा प्रयत्न करीत बचाव मोहीम सुरु केली. (Massive explosion at firecracker factory)
दरम्यान, जखमींना तातडीने विविध हॉस्पिटलमध्ये दाखल करण्यात आले आहे यातील पाच जखमींवर एलजी हॉस्पिटलमध्ये उपचार सुरु असून चार जणांना सिव्हील रुग्णालयात दाखल करण्यात आले आहे. हा स्फोट नेमका कशामुळे झाला याचे कारण अद्याप समोर आलेले नाही. अग्निशमन दलाच्या जवानांनी आगीवर नियंत्रण मिळवत आणखी कोणी अडकले आहे का याचा तपास सुरु आहे.
