Nashik Suicide News : कर्जाच्या विळख्यात अडकलेल्या तरुणाने फायनान्स कंपनीच्या त्रासाला कंटाळून आत्महत्या केल्याची धक्कादायक घटना नाशिकमध्ये घडली आहे. वाहन कर्जाचे हप्ते थकल्याने फायनान्स कंपनीच्या वसुली एजंट आणि गुंडांकडून होणाऱ्या मानसिक छळवणुक आणि तणावातून कंटाळून तरूणाने टोकाचे पाऊल उचलल्याची घटना नाशिकच्या आडगाव हद्दीतील जत्रा हॉटेल (Jatra Hotel) परिसरात समोर आली आहे.
- मुख्यमंत्री देवेंद्र फडणवीस; परदेशातील 'व्हीपीएन कॉल्स' आणि 'मास्किंग'चे जाळे उद्ध्वस्त करणार मुंबई : परदेशात बसून 'व्हीपीएन' तंत्रज्ञानाचा वापर करत ...
कारमध्येच विष प्राशन करत आत्महत्या
सोमवारी आडगाव हद्दीतील जत्रा हॉटेल परिसरात राहणाऱ्या महेश दादासाहेब शिंदे (२७) या खासगी ट्रॅव्हल्सचालकाने कारमध्येच विष प्राशन करून आत्महत्या (Suicide) केल्याची खळबळजनक घटना घडली आहे. आडगाव पोलिसांच्या (Aadgaon Police) माहितीनुसार, मृत महेश शिंदे हे मूळचे नांदगाव तालुक्यातील शिंगवे येथील रहिवासी होते. गेल्या आठ वर्षांपासून ते नाशिकच्या जत्रा हॉटेल परिसरात वास्तव्यास होते आणि ट्रॅव्हल व्यवसाय करत होते. काही वर्षांपूर्वी त्यांनी एका फायनान्स कंपनीकडून वाहन कर्ज घेतले होते.
Atacama Desert : जगभरात एका बाजूला फॅशनचा ट्रेंड दिवसेंदिवस बदलत आहे, तर दुसऱ्या बाजूला करोडो लोकांना अंग झाकण्यासाठी पुरेसे कपडेही मिळत नाहीत. या दोन्ही ...
वसुली एजंट आणि गुंडांकडून मानसिक छळ ?
मात्र, कर्जाचे हप्ते थकल्यामुळे संबंधित फायनान्स कंपनीच्या वसुली एजंट आणि गुंडांकडून त्यांचा मानसिक छळ केला जात होता व त्यांना धमक्या दिल्या जात होत्या. या सततच्या छळामुळे मानसिक तणावाखाली आलेल्या महेश यांनी कारमध्येच विष प्राशन केले, असा आरोप आहे. दरम्यान, विष प्राशन केल्याचे समजताच त्यांना तातडीने उपचारासाठी सह्याद्री रुग्णालयात दाखल करण्यात आले होते, मात्र उपचारादरम्यान त्यांचा मृत्यू झाला.
महाराष्ट्र मुद्रांक अधिनियमात सुधारणा विधेयक विधानसभेत सादर; महसुलाचे नुकसान टाळण्यासह तरतुदींचा गैरवापर रोखण्यासाठी निर्णय मुंबई : विकास करार ...
आकस्मिक मृत्यूची नोंद , तपास सुरु
आडगाव पोलिसांनी (Adgaon police) या प्रकरणी सध्या आकस्मिक मृत्यूची नोंद केली आहे. मृत महेश यांच्या नातलगांनी फायनान्सच्या गुंडांवर मानसिक छळ आणि गंभीर धमक्या दिल्याचा आरोप केला आहे. या प्रकरणात मृत महेश शिंदे यांनी सुसाईड नोट (Suicide note) लिहिली आहे का याचा शोध पोलीस घेत आहे. तसेच, मृताच्या कुटुंबाचे सविस्तर जबाब, मोबाइलमधील कॉल हिस्ट्री, संशयास्पद संभाषण आणि चॅटिंगचा कसून तपास केला जात आहे. दरम्यान, दोषींवर आत्महत्येस प्रवृत्त केल्याचा गुन्हा नोंदवावा अशी मागणी नातेवाईक आणि वाहनचालक युनियनने केली आहे.
