Nashik : सातपूर औद्योगिक वसाहतीतील उद्योग भवन परिसरात स्वतःला लाचलुचपत प्रतिबंधक विभागाचे अधिकारी असल्याचे भासवून वावरणाऱ्या दोघा तोतया अधिकाऱ्यांवर सातपूर पोलिसांनी कारवाई केली आहे. आलिशान महिंद्रा स्कॉर्पिओ वाहनावर “ॲन्टी करप्शन ” असा फलक लावून, सुटाबुटात शासकीय अधिकाऱ्यांप्रमाणे वावरणाऱ्या या दोघांना पोलिसांनी ताब्यात घेतले. त्यांच्याकडून स्कॉर्पिओ वाहनासह “अॅंटी करप्शन कमिटी” असे छापलेले बनावट ओळखपत्र आणि इतर संशयास्पद साहित्य जप्त करण्यात आले आहे.
- शिवसेनेत विलीनीकरणाचा मार्ग मोकळा; वर्धापनदिनी मांडणार भूमिका मुंबई : गेल्या काही दिवसांपासून महाराष्ट्राच्या राजकारणात चर्चेत असलेल्या 'ऑपरेशन ...
नेमकं काय घडलं ?
सातपूर पोलिसांना त्र्यंबक रोडवरील उद्योग भवन परिसरात एक महिंद्रा स्कॉर्पिओ वाहन (क्र. एमएच १५ जेएस ४८८६) संशयास्पदरीत्या फिरत असल्याची माहिती मिळाली होती. या वाहनावर “अॅंटी करप्शन” असा फलक लावण्यात आला होता. त्यानुसार पोलिसांनी सोमवारी दुपारी साडेबाराच्या सुमारास कारवाई केली.
वाहनाची तपासणी केली असता, त्यामध्ये सचिन महादू ठोके (रा. अंतरिक्ष, वावरेनगर, कामटवाडे) आणि त्याचा साथीदार रवींद्र द्विवेदी हे दोघे आढळून आले. यातील ठोके याच्याकडे “अॅंटी करप्शन कमिटी” असे नमूद असलेले बनावट ओळखपत्र मिळाले. या ओळखपत्रावर त्याचे पद “नाशिक शहर अध्यक्ष” असे छापण्यात आले होते. आलिशान वाहनाचा वापर करून स्वतःला लोकसेवक असल्याचे भासवणे, शासकीय अधिकारी-कर्मचारी तसेच नागरिकांची दिशाभूल करणे आणि फसवणुकीचा प्रयत्न करणे, असा संशय पोलिसांनी व्यक्त केला आहे.
मुंबई : उबाठा गटाचा सहावा खासदार राजी होत नसल्याने 'ऑपरेशन टायगर' रखडल्याची चर्चा राजकीय वर्तुळात रंगली होती. मात्र, उपमुख्यमंत्री एकनाथ शिंदे यांनी ...
या प्रकरणात दोघांची सखोल चौकशी सुरू आहे. सातपूर पोलिस ठाण्यात पोलिस हवालदार शेषराव केदारे यांच्या फिर्यादीवरून सचिन ठोके व रवींद्र द्विवेदी यांच्याविरोधात गुन्हा दाखल करण्यात आला आहे. पोलिस निरीक्षक प्रकाश अहिरे यांच्या मार्गदर्शनाखाली ही कारवाई करण्यात आली असून, सहायक पोलिस निरीक्षक तेजश्री आंबेकर पुढील तपास करीत आहेत.
