Ahilyanagar : गेल्या काही दिवसांपासून जिल्हा पोलिस दलात प्रभारी अधिकार्यांच्या बदल्यांची चर्चा जिल्ह्यात मोठ्या प्रमाणात रंगली होती. अखेर पोलिस अधीक्षक मुम्मका सुदर्शन यांनी जिल्ह्यातील विविध पोलिस ठाण्याच्या प्रभारी अधिकार्यांसह नव्याने जिल्ह्यात आलेल्या 19 अधिकार्यांच्या बदल्या करण्यात आल्याची माहिती समोर आली आहे. याबाबतचे आदेश गुरूवारी सायंकाळी काढण्यात आले.
मुंबई : डिजिटल कंटेंट क्रिएटर (Digital Content Creator) आणि ट्रॅव्हल इन्फ्लुएन्सर (Travel Influencer) प्रसाद वेदपाठक (Prasad Vedpathak) यांचे इन्स्टाग्राम अकाउंट (Instagram Account) सस्पेंड करण्यात ...
पोलिस ठाण्याच्या हद्दीत क्रॉस रेड धडाका
पोलिस अधीक्षक मुम्मका सुदर्शन यांची जिल्हा पोलिस अधीक्षक पदाचा पदभार स्वीकारल्यापासून जिल्ह्यातील अधिकार्यांच्या बदल्यांची चर्चा होती. पोलिस ठाण्याच्या हद्दीत क्रॉस रेड धडाका सुरू केल्याने प्रभारी पोलिस अधिकार्यांचे धाबे दणाणले होते. तर, जिल्ह्यात अवैध धंद्याला चांगलाच चाप बसला. नाशिक परिक्षेत्रातील अधिकार्यांच्या बदल्या झाल्यानंतर गुरूवारी जिल्हांतर्गत पोलिस अधिकार्यांच्या बदल्या झाल्या. यामध्ये पोलिस ठाण्यात दोन वर्षाचा कार्यकाळ पूर्ण केलेल्या अधिकार्यांच्या प्रमुख्याने बदल्या करण्यात आल्या आहेत. तर, वादग्रस्त कारकीर्द आणि नागरिकांच्या तक्रारी आलेल्या अधिकार्यांचाही बदल्यांमध्ये समावेश आहे.
Nashik Suicide news : नाशिक जिल्ह्यातील येवला तालुक्यात हुंड्यासाठी होणाऱ्या छळाची एक धक्कादायक घटना समोर आली आहे. वाघाळे गावातील 25 वर्षीय विवाहितेने सासरच्या ...
कबाडी यांची कारकीर्द ठरली वादग्रस्त
स्थानिक गुन्हे शाखेचे पोलिस निरीक्षक किरणकुमार कबाडी यांची कारकीर्द वादग्रस्त ठरली होती. ड्रग्ज चोरी प्रकरणात त्यांच्यावर अनेक गंभीर आरोप झाले होते. आयजी, डीजीकडे त्यांच्या अनेक तक्रारी करण्यात आल्या होत्या. एवढंच काय तर त्यांच्या कामकाजाबद्दल विधानसभेत देखील प्रश्न उपस्थित करण्यात आले होते. याच पार्श्वभूमीवर त्यांची प्रशासकीय बदली करण्यात आल्याची माहिती आहे. सध्या एलसीबीची जागा रिक्त असून, तत्पुरता पदभार सहायक पोलिस निरीक्षक हरिष भोये यांच्याकडे देण्यात आला आहे.
Jalgaon News : रेल्वे प्रवास करताना रेल्वेमध्ये खाद्यपदार्थ विक्रेते (Food vendors) येत असतात. यातील बऱ्याच जणांकडे परवाना नसतो. अशावेळेस अनेकदा हे अनधिकृत ...
पोलिस अधिकार्यांची बदली कोठून कोठे झाली ?
पोलिस निरीक्षक जगदिश भांबळ (तोफखाना पोलिस ठाणे ते नियंत्रण कक्ष), विलास पुजारी(पाथर्डी पोलिस ठाणे ते मानवसंसाधन विभाग) रवींद्र देशमुख (नियंत्रण कक्ष ते राहुरी पोलिस ठाणे), संभाजी गायकवाड (कोतवाली ते दहशतवाद विरोधी पथक), संजय ठेंगे (राहुरी ते श्रीगोंदा), किरण शिंदे (श्रीगोंदा ते ए.एच.टी.यू), नितीन देशमुख (श्रीरामपूर ते कोतवाली), आनंद कोकरे (मानवसंसाधन विभाग ते पाथर्डी पोलिस ठाणे), प्रताप दराडे (नियंत्रण कक्ष ते नेवासा), बाबासाहेब बोरसे (शहर वाहतूक शाखा ते घारगाव पोलिस ठाणे), महेश पाटील (नियंत्रण कक्ष ते शहर वाहतूक शाखा), दीपक सरोदे (नियंक्षण कक्ष ते राहाता पोलिस ठाणे), बालाजी वैद्य( ए.एच.टी.यू ते तोफखाना), हनुमान गायकवाड(नियंत्रण कक्ष ते कर्जत). हेमंत थोरात (घारगाव ते एमआयडीसी), सहायक पोलिस निरीक्षक युवराज आठरे (आर्थिक गुन्हे शाखा ते लोणी), माणिक चौधरी(एमआयडीसी ते आर्थिक गुन्हे शाखा), जगदिश मुलगीर (भिंगार कॅम्प ते आर्थिक गुन्हे शाखा), महिला सहायक पोलिस निरीक्षक तेजस्विनी थोरात(कोतवाली ते भिंगार कॅम्प).
