Ahilyanagar Crime News : अहिल्यानगर जिल्ह्यातून एक धक्कादायक घटना समोर आली आहे. लहान भावाला जास्त जीव लावला जातो, हा राग मनात धरून एका मॅकेनिकल इंजिनिअर (Mechanical Engineer) मुलाने स्वतःच्या वडिलांची निर्घृण हत्या केल्याची घटना उघडकीस आली आहे. नेवासे (Nevase) रस्त्यावरील अशोकनगर फाटा परिसरात ही थरारक घटना घडली असून संपूर्ण परिसर हादरला आहे.
३४ वारसांना ३ कोटी ४० लाख मंजूर; विविध आंदोलनांत ३०९ कार्यकर्त्यांचा मृत्यू मुंबई : मराठा आरक्षणाच्या (Maratha reservation) मागणीसाठी झालेल्या विविध आंदोलनांतील ...
डोक्यात टिकाव घालून वडिलांचा खून
मृत व्यक्तीचे नाव सचिन ढोकचौळे (Sachin Dhokchoule) असे असून, त्यांचा मुलगा प्रणव ढोकचौळे यानेच त्यांच्या डोक्यात टिकाव घालून खून केल्याचा आरोप आहे. विशेष म्हणजे, आरोपी प्रणव ( Pranav Dhokchoule ) हा मॅकेनिकल इंजिनिअर असून काही दिवसांपूर्वीच गुजरातमधील नोकरी सोडून गावी परतला होता. मिळालेल्या माहितीनुसार, सचिन ढोकचौळे हे पत्नी भारती यांच्यासोबत राहत होते. त्यांना दोन मुलं असून मोठा मुलगा प्रणव इंजिनिअर आहे, तर धाकटा मुलगा संकेत छत्रपती संभाजीनगरमध्ये ( Chhatrapati Sambhajinagar ) शिक्षण घेत आहे.
घटनेच्या दिवशी सकाळी सचिन ढोकचौळे हे घरातील हॉलमध्ये झोपलेले होते. त्याचवेळी कुटुंबातील सदस्य बाहेर अंगणात काम करत होते. काही वेळाने भारती ढोकचौळे घरात आल्या असता पतीच्या डोक्याजवळ रक्त आणि गंभीर जखम दिसली. बाजूलाच टिकाव पडलेला होता. त्यांनी आरडाओरडा केल्यानंतर कुटुंबीय धावत आले. मात्र तोपर्यंत सचिन ढोकचौळे यांचा मृत्यू झाला होता. (Ahilyanagar Crime News)
Nashik TCS Case : नाशिकमधील TCS कार्यालयातील लैंगिक छळ आणि सक्तीच्या धर्मांतर प्रकरणात आता नवे धक्कादायक खुलासे समोर आले आहेत. न्यायालयात सादर करण्यात आलेल्या ...
पप्पांनी मला चापट मारली होती, त्याचाच राग होता
धक्कादायक बाब म्हणजे, आरोपी प्रणवनेच गुन्ह्याची कबुली दिल्याचं समोर आलं आहे. “तुम्ही लहानपणापासून लहान भावावर जास्त प्रेम करता, रात्री पप्पांनी मला चापट मारली होती, त्याचाच राग होता,” असं सांगत त्याने वडिलांच्या डोक्यात टिकाव मारल्याचं म्हटलं.
या घटनेनंतर परिसरात एकच खळबळ उडाली आहे. भारती ढोकचौळे यांच्या फिर्यादीवरून प्रणवविरोधात खुनाचा गुन्हा दाखल करण्यात आला आहे. दरम्यान, आरोपी प्रणवच्या वागणुकीवरून तो मानसिक आजाराने त्रस्त असण्याची शक्यता व्यक्त केली जात असून, वैद्यकीय तपासणीनंतरच याबाबत स्पष्टता येणार आहे.
