नवी दिल्ली : वाढत्या महागाईमुळे औषधांच्या खर्चाचा भार सहन करणाऱ्या सर्वसामान्य नागरिकांना दिलासा देणारा निर्णय केंद्र सरकारच्या नॅशनल फार्मास्युटिकल प्राइसिंग अथॉरिटी (NPPA) ने घेतला आहे. संस्थेने ३० औषध फॉर्म्युलेशन्सच्या किरकोळ किमती निश्चित केल्या असून याचा फायदा नियमितपणे औषधे घेणाऱ्या लाखो रुग्णांना होणार आहे.
नवी दिल्ली : केंद्र सरकारने पेट्रोल-डिझेल आणि एव्हिएशन टर्बाइन फ्युएल यांच्या निर्यातीवर लावण्यात आलेल्या विशेष शुल्कात मोठी कपात करण्याचा निर्णय ...
नॅशनल फार्मास्युटिकल प्राइसिंग अथॉरिटीने ज्या औषधांच्या किमती निश्चित केल्या आहेत, त्यामध्ये व्हिटॅमिन डी-३ ओरल, कॅल्शियम, व्हिटॅमिन डी३ आणि मेथिलकोबालामिन यांसारख्या महत्त्वाच्या औषधांचा समावेश आहे. ही औषधे हाडांची मजबुती वाढवणे, शरीरातील जीवनसत्त्वांची कमतरता भरून काढणे, मज्जासंस्थेशी संबंधित समस्या दूर करणे आणि पोषणतत्त्वांची कमतरता कमी करण्यासाठी मोठ्या प्रमाणावर वापरली जातात.
नवी दिल्ली : इराणमधील युद्धामुळे होर्मुझ सामुद्रधुनीतील वाहतुकीवर मोठा परिणाम झाला असून जागतिक ऊर्जा पुरवठ्यावर संकट निर्माण झाले आहे. भारत आणि चीन ...
अधिसूचनेनुसार, कॅल्शियम व व्हिटॅमिनयुक्त गोळीची किंमत प्रति गोळी १९.७८ रुपये निश्चित करण्यात आली आहे, तर व्हिटॅमिन डी३ ओरलची किंमत प्रति मिलिलिटर १९.९१ रुपये ठरविण्यात आली आहे. याशिवाय वेदना आणि सूज कमी करण्यासाठी वापरल्या जाणाऱ्या काही औषधांच्या किमतीही निश्चित करण्यात आल्या आहेत. या निर्णयाचा विशेष फायदा ज्येष्ठ नागरिक, महिला आणि दीर्घकालीन उपचार घेणाऱ्या रुग्णांना होणार आहे. औषध कंपन्यांकडून मनमानी दर आकारण्यावरही यामुळे नियंत्रण येईल. बाजारातील पारदर्शकता वाढून रुग्णांना वाजवी दरात औषधे उपलब्ध होतील. तसेच या किमती ड्रग प्राइस कंट्रोल ऑर्डर (डीपीसीओ) २०१३ अंतर्गत निश्चित करण्यात आल्या आहेत. आवश्यक औषधे सर्वसामान्यांच्या आवाक्यात राहावीत आणि आरोग्यसेवा अधिक परवडणारी व्हावी, हा या निर्णयामागील मुख्य उद्देश आहे.
