Nashik : “मला तू आवडतेस, एखाद्या दिवशी वेळ काढून…”; उच्चपदस्थ अधिकाऱ्याचे महिला सहकाऱ्यासोबत अश्लील चाळे

Nashik Crime : नाशिक येथे उच्चपदस्थ अधिकाऱ्याने महिला सहकाऱ्यासोबत अश्लील चाळे केल्याचा खळबळजनक प्रकार समोर आला आहे. एसटी महामंडळाच्या नाशिक विभागात (Nashik division of ST Corporation) हा संतापजनक प्रकार समोर आला असून, याप्रकरणी पंचवटी पोलिस ठाण्यात (Panchavati Police Station) गुन्हा दाखल करण्यात आला आहे.

नेमके प्रकरण काय ?

एसटी महामंडळाच्या शिंगाडा तलाव, आगार क्र. १ (एन. डी. पटेलरोड) येथे सहायक वाहतूक अधीक्षक म्हणून विजय विश्वनाथ निकम (४५) हा कार्यरत आहे. पोलिसांच्या माहितीनुसार, ३६ वर्षीय विवाहित पीडित महिला बळी महाराज मंदिर चौफुली (पंचवटी) जवळील बायपास बुकिंग ऑफिस व भरारी पथकात कार्यरत आहे.

Nashik : पैशांची हाव संपेना, एक लाखाची लाच मागणारा पोलीस उपनिरीक्षक ताब्यात

Nashik : अहिल्यानगर (Ahilyanagar) येथे कार्यरत असलेला पोलीस उपनिरीक्षक जयेश गांगुर्डे याला लाचलुचपत प्रतिबंधक विभागाच्या पथकाने नाशिकमधून (Nashik) ताब्यात घेतले आहे. ...

मला तू आवडतेस, एखाद्या दिवशी वेळ काढून माझ्या घरी ये

६ मे रोजी संध्याकाळी साडेसहा वाजेच्या सुमारास पीडिता तेथे कर्तव्य बजावत असताना संशयित विजय निकम तेथे आला. त्याने पीडितेचा पाठलाग करुन, ‘तू गाडीत बस, एक चक्कर मारून येऊ, मला तुझ्याशी बोलायचे आहे. असे म्हटले. ’ पीडित महिलेने त्यास स्पष्ट नकार दिला. त्यानंतर निकम गाडीतून खाली उतरला आणि त्याने जबरदस्तीने महिलेला चॉकलेट देण्याचा प्रयत्न केला. महिलेने या गोष्टीस पुन्हा नकार दिला असता संशयित निकम याने तिचा उजवा हात पकडला. ‘माझे तुझ्यावर प्रेम आहे, मला तू आवडतेस, एखाद्या दिवशी वेळ काढून माझ्या घरी ये’ असे म्हणत त्याने अश्लील संवाद साधून प्रेमाची मागणी केली. या कृत्यामुळे महिलेच्या मनास लज्जा उत्पन्न झाली.

CM Siddaramaiah Give Resignation : मोठी बातमी ! सिद्धरामय्या यांचा कर्नाटकच्या मुख्यमंत्रिपदाचा तडकाफडकी राजीनामा, राजीनाम्याचे कारणही समोर

Karnataka : कर्नाटक राज्याच्या राजकारणात मोठ्या घडामोडी घडल्या आहेत. सिद्धरामय्या यांनी थेट कर्नाटकच्या (Karnataka) मुख्यमंत्रिपदाचा तडकाफडकी राजीनामा दिला आहे. ...

संशयित गैरहजर, पोलिसांकडून तपास

संशयिताकडून होणाऱ्या छळाला कंटाळून अखेर पीडित महिला कर्मचाऱ्याने पोलिसांत धाव घेतली. त्यानुसार पंचवटी पोलिस ठाण्यात (Panchavati Police Station) गुन्हा नोंदवण्यात आला आहे. गुन्हा दाखल झाल्याचे समजताच संशयित विजय निकम हा कायदेशीर कारवाईच्या भीतीने पसार झाला आहे. तो आपल्या कार्यालयातही हजर झाला नसल्याचे तपासात समोर आले आहे. या प्रकरणाचा तपास उपनिरीक्षक कैलास जाधव करत आहेत. या प्रकारानंतर महिला सुरक्षेचा मुद्दा ऐरणीवर आला आहे.