नवी दिल्ली : काँग्रेस नेता पवन खेराला आसाम पोलीस अटक करण्याची शक्यता वाढली आहे. काही दिवसांपूर्वी पवन खेराने सोशल मीडिया पोस्ट करून आसामचे मुख्यमंत्री हिमंता बिस्वा सरमा यांच्या पत्नीच्या संपत्ती संदर्भात गंभीर आरोप केले होते. या प्रकरणी तपास केल्यावर आरोप तथ्यहीन असल्याचे आढळले. या नंतर पवन खेराच्या विरोधात मुख्यमंत्री हिमंता बिस्वा सरमा यांच्या पत्नीने पवन खेरा विरोधात फेक न्यूजद्वारे बदनामी केल्याचा आरोप करत तक्रार नोंदवली. तसेच मुख्यमंत्र्यांच्या कुटुंबाला बदनामा करण्याच्या कट कारस्थानात मुख्य भूमिका बजावत असल्याचाही आरोप केला.
नवी दिल्ली : दिल्ली सरकारने ‘ईव्ही धोरण २.०’ अंतर्गत विद्युत वाहनांना प्रदूषणाविरुद्ध प्रभावी पर्याय म्हणून प्रोत्साहन दिले आहे; मात्र, या वाहनांमधील ...
मुख्यमंत्र्यांच्या पत्नीवर तथ्यहीन आरोप करणे भोवणार याची जाणीव होताच पवन खेरा तातडीने दिल्लीहून तेलंगणात जाऊन थांबला. तिथून त्याने ट्रान्झिट जामीनसाठी अर्ज केला. तेलंगणाच्या उच्च न्यायालयाने हा जामीन मंजूर केला. या जामिनाविरोधात आसाम पोलिसांनी सर्वोच्च न्यायालयात दाद मागितली. सर्वोच्च न्यायालयाने प्रकरण समजून घेतल्यानंतर पवन खेरा यांना गुन्हा आसाममध्ये दाखल झाला असल्यामुळे तिथल्या न्यायालयात जामिनासाठी अर्ज करण्याचे निर्देश दिले. तसेच तेलंगणाच्या उच्च न्यायालयाने मंजूर केलेला जामीन रद्द केला.
सर्वोच्च न्यायालयाच्या निर्णयामुळे आता पवन खेरा याच्यापुढे आसाममध्ये जाऊन न्यायालयात दाद मागणे अथवा आसाम पोलिसांच्या चौकशीला सामोरे जाणे हेच दोन पर्याय उरले आहेत. सध्या पवन खेराकडे अटक टाळणारे कोणतेही संरक्षण कवच नाही. यामुळे पवन खेराला आसाममध्ये पोहोचल्यावर अटक होण्याची दाट शक्यता आहे.
नवी दिल्ली : मतदानाचा अधिकार किंवा निवडणूक लढवण्याचा अधिकार यांपैकी कोणताही अधिकार हा 'मूलभूत अधिकार' नाही, असे सर्वोच्च न्यायालयाने पुन्हा एकदा ...
याआधी तेलंगणाच्या उच्च न्यायालयाने पवन खेराला दिलेल्या ट्रान्झिट जामिनाच्या विरोधात आसाम पोलिसांनी महाधिवक्ता तुषार मेहता यांच्या माध्यमातून सर्वोच्च न्यायालयात दाद मागितली. घटना आसाममध्ये घडली. गुन्हा आसाममध्ये दाखल झाला. तपास आसाम पोलीस करत आहेत. या परिस्थितीत तेलंगणा उच्च न्यायालयाने अटकपूर्व ट्रान्झिट जामीन का दिला ? हे अधिकारक्षेत्राबाहेर अटकपूर्व जामीन मंजूर करण्याचे प्रकरण आहे; असे मेहता म्हणाले. हा मुद्दा ग्राह्य धरून सर्वोच्च न्यायालयाने निर्णय दिला. तेलंगणा उच्च न्यायालयाने दिलेला अटकपूर्व ट्रान्झिट जामीन रद्द करत सर्वोच्च न्यायालयाने पवन खेराला आसाममधील न्यायालयात जामिनासाठी अर्ज करण्याचे निर्देश दिले.
