पंजाब : लॉ कॉलेज मधील एका हत्याकांडाचा व्हिडीओ सध्या सोशल मीडियावर व्हायरल होत आहे. भर वर्गात गोळीबार झाल्यामुळे कॉलेजमध्ये भीतीचे वातावरण आहे.
नेमकं घडलं काय ?
मिळालेल्या माहितीनुसार मृत मुलीचे नाव संदीप कौर असे आहे तर गोळीबार करणाऱ्या विद्यार्थ्याचे नाव प्रिन्स राज असे आहे. हे दोघेही लॉ कॉलेज यामध्ये पहिल्या वर्षाला शिकणारे विद्यार्थी आहेत. सकाळच्या सुमारास लेक्चर सुरू होण्यापूर्वी काही तास आधी कॉलेजच्या एका वर्गात प्रिन्स राजने संदीप कौर या विद्यार्थिनीच्या डोक्यात गोळ्या घालून तिची हत्या केली.
विद्यार्थ्याने त्याच्या वर्गातील एका विद्यार्थिनीवर भर वर्गात गोळ्या झाडल्या. त्यानंतर विद्यार्थ्याने स्वतःच्या डोक्यात देखील गोळ्या झाडल्या. या गोळीबारात विद्यार्थिनीचा जागीच मृत्यु असून आरोपी विद्यार्थ्याला गंभीर अवस्थेत रुग्णालयात दाखल करण्यात आले आहे. या घटनेने कॉलेज परिसरात भीतीचे वातावरण पसरले असून प्रेम प्रकरणातून ही हत्या केल्याचा प्राथमिक अंदाज आहे. घडलेली घटना सीसीटीव्हीमध्ये कैद झाली आहे. पोलीस घटनास्थळी दाखल झाले आहेत. घडलेल्या घटनेचं गांभीर्य लक्षात घेता पोलिसांनी संपूर्ण लॉ कॉलेज सील केला आहे.
