खोपोली : खोपोली नगरपालिकेच्या निवडणुकीत शिवसेना शिंदे गट, भाजप, आरपीआय महायुतीचे नगराध्यक्षपदाचे उमेदवार कुलदीपक शेंडे आणि अजित पवारांच्या राष्ट्रवादीचे उमेदवार सुनील पाटील यांच्यात दुरंगी लढत झाली. अटीतटीच्या लढाईत कुलदीपक शेंडे (एकूण मते २०४६९ मते) तर सुनील पाटील यांना १९३५१ मते मिळाली असून फक्त १११८ मतांनी निसटता पराभव झाला. एकूण १५ प्रभागात शिंदे गट १४, अजित पवार राष्ट्रवादी ७, अपक्ष १, भाजप ४, शेकापक्ष ४, शरद पवार - १ असे उमेदवार निवडून आले. अजित पवार पक्षाचे नेते माजी नगराध्यक्ष माजी नगराध्यक्ष दत्ताजी मसुरकर, माजी नगरसेवक किशोर पानसरे, शिंदे गटाचे माजी नगरसेविका माधवी रिठे, माजी उपगराध्यक्ष बेबीशेठ सॅम्युअल यांचा मुलगा बेबी सॅमुअल आणि सुनबाई माजी नगरसेविका जिनी सॅमुअल, भाजपचे माजी नगरसेवक इंदरमल खंडेलवाल, शेकापचे माजी नगरसेवक अरुण पुरी, माजी उपनगराध्यक्ष रमेश जाधव यांचे चिरंजीव यश जाधव, माजी नगरसेवक दिलीप जाधव, माजी नगरसेवक राजू डूमने, माजी नगरसेविका मेघा वाडकर, माजी नगरसेवक संतोष मालकर, माजी नगरसेविका शिल्पा मालकर पतीपत्नी तसेच माजी नगरसेविका प्रमिला सुर्वे यांचा पराभव झाल्याने मोठा धक्का बसला आहे.
