मुंबई: प्रत्येकजण आपल्या कमावलेल्या पैशातून काही ना काही रक्कम वाचवत असतो. थोड्या थोड्या पैशातूनच बचतीची रक्कम वाढत जाते. बँकेत जर तुम्ही बचत खाते सुरू केले तर जास्तीत जास्त तुम्हाला २ ते ३ टक्के दराने व्याज मिळते. मात्र एक छोटेसे काम करून तुम्ही हे व्याजदर वाढवू शकता.
यासाठी तुम्हाला बँकेत जाऊन या अकाऊंटला ऑटो स्वीपमध्ये बदलावे लागेल. यामुळे तुमचे खाते एका मर्यादेपर्यंत तुम्हाला बचत खात्याची सुविधा देईल. जसे या खात्यातील रक्कम ही मर्यादेपेक्षा अधिक होईल. बाकी पैसे हे एफडीमध्ये ट्रान्सफर केले जातील.
यानंतर तुम्हाला एफडीमधील या रकमेवर त्याच्या रिटर्न रेटनुसार पैसे मिळायला लागतील. सध्याच्या काळात एफडीवर ७-८ टक्क्यांचे रिटर्न्स मिळत आहेत. यामुळे तुमचे पैसे सुरक्षित राहण्यासोबतच पैसे वाढण्यासही मदत होईल.
ऑटो स्वीपची ही सुविधा तुम्हाला सर्वच बँकांमध्ये उपलब्ध आहे.