मुंबई : मुंबईत सुरू असलेल्या मुसळधार पाऊस आणि सोसाट्याच्या वाऱ्यामुळे झाडे कोसळण्याच्या घटनांमध्ये गेल्या काही दिवसांपासून वाढ होत असून, आज म्हणजेच सोमवार ६ जुलै दादर परिसरात आणखी एक मोठी घटना घडली. दादर प्लाझाजवळ आशीर्वाद टायर दुकानाशेजारी भलंमोठं झाड अचानक कोसळल्याने तेथील पार्क केलेल्या एका कारचे मोठ्या प्रमाणात नुकसान झाले. (Dadar Tree Collapse)
https://prahaar.in/2026/07/06/due-to-heavy-rains-the-special-round-of-the-11th-admission-process-has-been-extended-till-july-8/
घटनेची माहिती मिळताच मुंबई अग्निशमन दल आणि संबंधित महापालिका कर्मचाऱ्यांनी तातडीने घटनास्थळी धाव घेतली. झाड कापून बाजूला करण्याचे आणि वाहतूक पूर्ववत सुरू करण्याचे काम युद्धपातळीवर सुरू आहे. सुरक्षेच्या दृष्टीने परिसरात नागरिकांची गर्दी होऊ नये यासाठी खबरदारी घेण्यात येत आहे. (Dadar Tree Collapse)
https://prahaar.in/2026/07/06/heavy-rain-in-mumbai-pune-orange-alert-for-mumbai-and-thane-schools-in-pune-to-remain-closed-until-july-12/
गेल्या दोन दिवसांपासून मुंबईत सुरू असलेल्या मुसळधार पावसामुळे शहरात अनेक ठिकाणी झाडे आणि झाडांच्या फांद्या कोसळण्याच्या घटना घडत आहेत. हवामान विभागानेही मुंबईसाठी जोरदार पाऊस आणि वेगवान वाऱ्याचा इशारा दिल्याने नागरिकांनी झाडांच्या परिसरात वाहनं उभी करणे टाळावे, तसेच अत्यावश्यक कामाशिवाय घराबाहेर पडू नये, असे आवाहन प्रशासनाकडून करण्यात आले आहे. (Dadar Tree Collapse)
View this post on Instagram