मुंबईत सोमवारी (६ जुलै) दिवसभर मुसळधार पावसाने हजेरी लावली असून शहरातील जनजीवनावर त्याचा मोठा परिणाम झाला आहे. सकाळी ८ ते सायंकाळी ६ या कालावधीत शहर आणि उपनगरांमध्ये जोरदार पावसाची नोंद झाली. मुंबई महापालिकेच्या आपत्कालीन व्यवस्थापन विभागाने प्रसिद्ध केलेल्या अहवालानुसार, शहरात तब्बल २९१ ठिकाणी झाडे व फांद्या कोसळल्याच्या, तर २२ ठिकाणी भिंती अथवा घरांचे भाग कोसळल्याच्या तक्रारी प्राप्त झाल्या आहेत. (Mumbai Rain)
हवामान विभागाच्या माहितीनुसार, पुढील तास मुंबई शहर आणि उपनगरात संततधार पाऊस कायम राहणार असून काही भागांत जोरदार ते अति जोरदार, तर काही ठिकाणी अतिवृष्टी होण्याची शक्यता आहे. याशिवाय ताशी ७० ते ८० किलोमीटर वेगाने सोसाट्याचे वारे वाहण्याचाही इशारा देण्यात आला आहे. (Mumbai Rain)
पुणे : संत ज्ञानेश्वर महाराजांच्या पालखी सोहळ्यानिमित्त आळंदीकडे निघालेल्या वारकरी आणि भाविकांसाठी राज्य सरकारने महत्त्वाचे आवाहन केले आहे. ...
महापालिकेच्या अहवालानुसार, मागील २४ तासांत कुलाबा येथे १२८ मिमी, तर सांताक्रूझ येथे १५९.२ मिमी पावसाची नोंद झाली. सायंकाळी ५.३० वाजेपर्यंत कुलाबा येथे ३९.२ मिमी, तर सांताक्रूझ येथे ६९.६ मिमी पाऊस झाला. महापालिकेच्या स्वयंचलित पर्जन्यमापन केंद्रांनुसार शहरात २८.२ मिमी, पूर्व उपनगरात ६१.७५ मिमी आणि पश्चिम उपनगरात ६५.४५ मिमी पावसाची नोंद झाली. (Mumbai Rain)
मुसळधार पावसामुळे शहरात ७४, पूर्व उपनगरात ७८ आणि पश्चिम उपनगरात १३९ अशा एकूण २९१ ठिकाणी झाडे व फांद्या पडल्याच्या तक्रारी प्राप्त झाल्या. तसेच १२ ठिकाणी शॉर्टसर्किटच्या घटना, तर २२ ठिकाणी भिंती किंवा घरांचे भाग कोसळल्याच्या तक्रारी नोंदवण्यात आल्या. सुदैवाने या घटनांमध्ये कोणतीही जीवितहानी झालेली नाही. संबंधित विभागांनी तातडीने मदतकार्य सुरू केले आहे. (Mumbai Rain)
Nashik : नाशिक जिल्ह्यात मुसळधार पावसाने जोर धरला असून घाटमाथ्यासाठी रेड अलर्ट (Red Alert) जारी करण्यात आला आहे. संभाव्य अतिवृष्टी आणि ढगफुटीच्या इशाऱ्याच्या ...
दरम्यान, पावसाचा जोर असूनही मुंबईतील रस्ते वाहतूक तसेच मध्य आणि पश्चिम रेल्वेची सेवा सुरळीत सुरू असल्याची माहिती महापालिकेने दिली आहे. मात्र, नागरिकांनी अत्यावश्यक कामाशिवाय घराबाहेर पडताना खबरदारी घ्यावी, समुद्रकिनाऱ्याजवळ जाणे टाळावे आणि प्रशासनाच्या सूचनांचे पालन करावे, असे आवाहन करण्यात आले आहे. (Mumbai Rain)
