इराणचे परराष्ट्रमंत्री अब्बास अराघची रशियाच्या दौऱ्यावर मॉस्को येथे पोहोचले आहेत. त्यांच्या या दौऱ्यादरम्यान रशियाकडून मोठे वक्तव्य समोर आले आहे. रशियाने म्हटले आहे की, इराणला लष्करी शक्तीची भीती दाखवून धमकावता येणार नाही.

व्हिएन्ना येथील एका आंतरराष्ट्रीय संघटनेत रशियाचे प्रतिनिधी मिखाईल उल्यानोव्ह यांनी सोशल मीडिया मंच एक्सवर पोस्ट करत म्हटले की, लष्करी तैनातीची धमकी आणि निर्बंध अधिक कठोर करण्याची भाषा ही ब्लॅकमेलिंग आहे, मात्र इराणवर ही चाल यशस्वी होणार नाही. त्यांनी पुढे सांगितले की, अमेरिकेने करारासाठी आपला भूमिकेत नरमाई आणली पाहिजे.

इराणचे परराष्ट्रमंत्री अब्बास अराघची यांनी सोमवारी सांगितले की, त्यांचा रशिया दौरा युद्धानंतर समन्वय साधण्यासाठी एक महत्त्वाची संधी आहे. सरकारी वृत्तसंस्थाला दिलेल्या पूर्व-रेकॉर्ड मुलाखतीत त्यांनी म्हटले की, “युद्धाशी संबंधित घडामोडी आणि सध्याच्या परिस्थितीवर आमच्या रशियन मित्रांशी चर्चा करण्यासाठी ही आमच्यासाठी चांगली संधी आहे.”

https://prahaar.in/2026/04/27/india-and-russia-jv-for-2-mt-urea-production-annually-to-be-ready-in-two-years/

अराघची यांनी असेही सांगितले की, अमेरिकेच्या भूमिकेमुळे इस्लामाबादमध्ये प्रस्तावित चर्चा लांबली. त्यांनी म्हटले की, “मागील चर्चेत प्रगती झाली होती, मात्र ती आपल्या उद्दिष्टांपर्यंत पोहोचू शकली नाही. यासाठी अमेरिकेच्या अतिप्रमाणातील मागण्या कारणीभूत ठरल्या.”

दरम्यान, इराणच्या संसदेचे सभापती मोहम्मद बाघेर गालिबाफ यांनी सांगितले की, इराणकडेही अनेक महत्त्वाचे पत्ते आहेत. अमेरिकेचे राष्ट्राध्यक्ष डोनाल्ड ट्रम्प यांनी “इराणवर दबाव आणण्यासाठी सर्व पत्ते आमच्याकडे आहेत,” असे म्हटल्याच्या पार्श्वभूमीवर गालिबाफ यांचे हे वक्तव्य आले आहे. त्यांनी म्हटले की, तेलाचा पुरवठा आणि मागणी यांसारखे अनेक महत्त्वाचे पर्याय इराणकडे आहेत.

https://prahaar.in/2026/04/27/inquiry-into-amravati-land-scam-by-the-divisional-commissioner/

उल्लेखनीय म्हणजे, इराण आणि अमेरिका यांच्यात करारासाठी पडद्यामागून चर्चा सुरू आहे. रशिया दौऱ्यापूर्वी अब्बास अराघची यांनी पाकिस्तान आणि ओमानचा दौरा केला होता.