Big deal between India and Russia : भारत आणि रशिया या दोन देशांतील मैत्रीपूर्ण संबंध संपूर्ण जगाला माहित आहे. जगाचा विरोध धुडकावत कधी भारत रशियासाठी तर कधी रशिया भारतासाठी संकटाच्या काळात भक्कम उभा राहिला आहे. आखाती देशात सध्या तणाव आहे. होर्मुज खाडी इराण आणि अमेरिका युद्धामुळे बंद आहे. होर्मुज खाडी बंद असल्याने तेलाची समस्या आहे. जगात अनेक ठिकाणी तणावपूर्ण शांतता आहे. अशातच रशिया आणि भारताने मोठा निर्णय घेतला आहे. या निर्णयाने भारताच्या आजूबाजूच्या देशांची चांगलीच जळजळ होणार आहे.
मिळालेल्या माहितीनुसार, भारत आणि रशियाने एका मोठ्या संरक्षण करारावर सह्या केल्या. या कराराअंतर्गत रशिया भारताला लांब पल्ल्याची क्षेपणास्त्रे पुरवणार आहे. या कराराची अद्याप अधिकृत घोषणा झाली पण करार जवळपास झाला असल्याची माहिती आहे. या कराराला अंतिम स्वरूप देण्यात आले आहे. या करारामध्ये रशिया भारताला R-37 M क्षेपणास्त्र देणार आहे. महत्त्वाचे म्हणजे भारताला चीन आणि पाकिस्तानविरोधात लढण्यासाठी या क्षेत्रपास्त्राचा अत्यंत मोठा फायदा होऊ शकतो. Big deal between India and Russia
ऑपरेशन सिंदूरदरम्यान ( Operation Sindoor) पाकिस्तानमधून भारतावर मोठे बॉम्ब टाकले जात होते. यावेळी रशियन बनावटीचे क्षेपणास्त्र हवेतच पाकिस्तानचे हे बॉम्ब निकामी करत होते. भारताने ऑपरेशन सिंदूरदरम्यान भारताची लष्करी ताकद जगाला दाखवली. रशियन माध्यमांनुसार, R-37 M हे सर्वाधिक पल्ल्याच्या हवेतून हवेत मारा करणाऱ्या क्षेपणास्त्रांपैकी एक आहे. त्याचा वेग अंदाजे 300-400 किमी आहे.
या क्षेपणास्त्राचा वापर हवाई पूर्व सूचना आणि इंधनवाहू विमानांद्वारे, शत्रूच्या जेट विमानांना अत्यंत अचूकतेने टार्गेट करते. भारताची लष्करी ताकद मोठ्या प्रमाणात वाढणार आहे. गेल्या काही दिवसांपासून रशिया आणि भारत मोठ्या प्रमाणात लष्करी करार करत आहेत. रशियाचे अध्यक्ष पुतिनदेखील भारत दाैऱ्यावर लवकरच येणार आहेत.
