मुंबई : आर्थिक गैरव्यवहाराप्रकरणी तुरुंगात असलेले राष्ट्रवादीचे नेते नवाब मलिक (Nawab Malik) यांची दीड वर्षांनंतर अखेर जामीनावर सुटका झाली आहे. प्रकृती अस्वास्थ्याच्या कारणामुळे सर्वोच्च न्यायालयाने त्यांना २ महिन्यांसाठी तात्पुरता जामीन मंजूर केला आहे. मात्र त्यांची सुटका होताच ते शरद पवार (Sharad Pawar) गटात जाणार की अजित पवारांना (Ajit Pawar) पाठिंबा देणार यावर चर्चा सुरु झाल्या. यानंतर आता दोन्ही गटही त्यांना आपल्याकडे खेचण्यासाठी प्रयत्न करत असल्याचे दिसून येत आहे.
नवाब मलिक हे राष्ट्रवादीचे (NCP) वरिष्ठ नेते आहेत, त्यामुळे ते ज्या गटाला पाठिंबा देतील त्या गटाला फायदाच होणार आहे. त्यासाठी दोन्ही गट सज्ज आहेत. राष्ट्रवादीच्या अजित पवार गटाचे राष्ट्रीय कार्यकारी अध्यक्ष प्रफुल पटेल (Praful Patel) आणि प्रदेशाध्यक्ष खासदार सुनिल तटकरे (Sunil Tatkare) यांनी आज नवाब मलिक यांची त्यांच्या निवासस्थानी जाऊन भेट घेतली. तर त्यांच्या सुटकेआधीच सुप्रिया सुळे (Supriya Sule) स्वत: त्यांना भेटण्याची प्रतीक्षा करताना दिसल्या होत्या. अजित पवार गटाच्या भेटीवेळी महिला प्रदेशाध्यक्ष रुपाली चाकणकर, युवक प्रदेशाध्यक्ष सूरज चव्हाण, मुंबई विभागीय कार्याध्यक्ष नरेंद्र राणे, प्रदेश प्रवक्ते संजय तटकरे आणि मुंबई विभागीय समन्वय समिती सदस्य संतोष धुवाळी हे देखील उपस्थित होते.
याआधी राष्ट्रवादी काँग्रेसचे नेते छगन भुजबळ (Chhagan Bhujbal) यांनी नवाब मलिक हे अजित पवार यांनाच पाठिंबा देणार असल्याचे म्हणाले होते. सरळ सरळ त्यांनी तसा दावाच केला होता. तर नवाब मलिक हे शरद पवारांचे सच्चे कार्यकर्ते असल्याचा दावा शरद पवार गटाकडून करण्यात आला होता. त्यामुळे आता नवाब मलिक काय निर्णय घेतात, याकडे सर्वांचेच लक्ष लागले आहे.
संशोधकांच्या उंचावल्या भुवया; जाणून घ्या सविस्तर माहिती मेक्सिको : जगभरात विविध घडामोडी घडत असताना संशोधक…
व्हिडीओ होतोय व्हायरल; नेमकं प्रकरण काय? जालना : लोकसभा निवडणुकीसाठी (Loksabha Election) सध्या जोरदार प्रचार…
प्रदेशाध्यक्ष चंद्रशेखर बावनकुळे आणि बांधकाम मंत्री रवींद्र चव्हाण यांच्या सूचनेनुसार नियुक्ती पालघर : कणकवली, देवगड,…
दोन बाईकस्वार, दोन जोडपी, रिक्षावाला आणि मग शिक्षक; बाळाची सुटका करण्यासाठी पोलिसांचा थरार का केलं…
'या' दिवशी दहावी व बारावीचे निकाल होणार जाहीर पुणे : वाढत्या महागाईमुळे बोर्डाने दहावी बारावी…
मुख्यमंत्री एकनाथ शिंदे यांचा काँग्रेसवर हल्लाबोल देशद्रोही काँग्रेसला हद्दपार करण्याचे मतदारांना आवाहन नंदुरबार : निवडणूक…