मेक्सिको : जगभरात विविध घडामोडी घडत असताना संशोधक नवनवीन रहस्य उलगडण्याचे अथक प्रयत्न करत असतात. जगाची उत्पत्ती कशी झाली यावर संशोधकांनी उत्पत्तीमागील रहस्य शोधण्याचा प्रयत्न केला आहे. अशाच संशोधनामध्ये एक मोठ्या गोष्टीचा खुलासा झाला आहे. जगातील सर्वाधिक खोल मानल्या जाणाऱ्या ड्रॅगन होलपेक्षाही अधिक जास्त खोल असणाऱ्या एका खड्ड्याचा शोध लागला असून संशोधकांच्या भुवया उंचावल्या आहेत.
मिळालेल्या माहितीनुसार, मेक्सिकोच्या युकाटन बेटामध्ये समुद्राच्या तळाशी असणाऱ्या या अतिशय खोल खड्ड्याचं अस्तित्वं असल्याची बाब समोर आली आहे. हा खड्डा इतका मोठा आहे, की तो आतापर्यंतचा जगातील सर्वाधिक खोल खड्डा ठरत आहे. ‘ताम जा ब्लू होल’ असं या खड्ड्याचं नाव असून, तो चीनमध्ये असणाऱ्या ड्रॅगन होलपेक्षाही अधिक जास्त खोल आहे.
एका वृत्तवाहिनीने दिलेल्या वृत्तानुसार, शास्त्रज्ञांच्या मते हा ब्लू होल इतका खोल आहे की त्याचा अंत अद्यापही सापडू शकला नाही. एका स्कूबा डायव्हिंग अभियानाअंतर्गत या ‘ताम जा ब्लू होल’ची माहिती मिळाली, ज्याची खोली समुद्रतळापासून साधारण १३८० फुटांपर्यंत असल्याचे सांगण्यात आलं आहे. तसेच या ब्लू होलमध्ये अनेक गुहा आणि मनुष्यांनी आजवर न पाहिलेल्या जीवांचा समावेश असण्याची शंका अभ्यासकांकडून वर्तवण्यात आली आहे.
डिस्कव्हरीच्या माहितीनुसार, ब्लू होल या उभ्या सागरी गुहाच आहेत. ज्या हिमयुगादरम्यान, एखाद्या हिमनदीपासून तयार झालेल्या असू शकतात. हे महाकाय सिंक होल सहसा समुद्रतळाशी अतिशय खोलवर असतात, जिथे ऑक्सिजनची प्रचंड कमतरता असते. या खड्ड्यांमध्ये हायड्रोजन सल्फाइड वायू असून अनेक बॅक्टेरियाचा वावर असण्याची शक्यता असते. सध्या मेक्सिकोमधील हा ब्लू होल संपूर्ण जगाचं लक्ष वेधत असून या संदर्भातील पुढील निरीक्षणं अद्याप सुरु असल्याचे संशोधकांनी सांगितले.
दिल्लीचे मुख्यमंत्री अरविंद केजरीवाल यांची राजकीय सारीपाटावरील वाटचाल पाहता त्यांच्याबाबतीत ‘कोण होतास तू, काय झालास…
सेवाव्रती: शिबानी जोशी ठाण्यामध्ये राष्ट्रीय स्वयंसेवक संघाची पहिली शाखा ज्या ठिकाणी सुरू झाली, ते ठिकाण…
प्रा. डॉ. विजयकुमार पोटे दोनशे रुपये लिटर दूध, पैसे मोजूनही न मिळणारे पीठ, जीवनावश्यक वस्तूंचा…
मुंबई: आयपीएल २०२४चा प्लेऑफचा टप्पा २१ मेपासून सुरू होत आहे. सनरायजर्स हैदराबाद, कोलकाता नाईट रायडर्स,…
मुंबई: आवळ्यामध्ये औषधीय गुण भरलेले असतात. आयुर्वेदात आवळ्यामध्ये अनेक पोषकतत्वे सांगितलेली आहे. आयुर्वेदाच्या दृष्टीने आवळा…
मतदारयादीत नाव नसल्याने मतदारांचा हिरमोड मुंबई : राज्यातील लोकसभा निवडणुकीच्या पाचव्या टप्प्यातील १३ मतदार संघात…