बोईसर (वार्ताहर) : शहरात ड्रग्जमाफियांनी दहशत निर्माण केली आहे. तुरुंगातून सुटून आलेल्या माफियाने एका तरुणाला बेदम मारहाण केल्याची घटना घडली आहे. भंडारवाडा येथील काही स्थानिकांनी एकत्र येत ड्रग्जमाफियाविरोधात बोईसर पोलिसांत तक्रार दिली होती. या तक्रारीचा राग मनात धरून यातील एका तक्रारदारावर प्राणघातक हल्ला करण्यात आला.
बोईसर शहरात ड्रग्जमाफिया सक्रिय झाल्याने भंडारवाडा येथील नागरिकांनी बोईसर उपविभागीय अधिकारी यांच्याकडे ८ जुलै २०२१ रोजी लेखी तक्रार दाखल केली होती. याचा राग मनात धरून ड्रग्जमाफिया नीलेश सुर्वे व त्याच्या साथीदारांनी मंगळवारी १७ मे २०२२ रोजी मधुर हॉटेलसमोरून जाणाऱ्या तक्रारदार मुबारक खान याला रस्त्यावर अडवून बेदम मारहाण केली.
मुबारकला बळजबरीने दुचाकीवर बसवून त्याला यशवंतसृष्टी येथे रेल्वे धक्याजवळील साईबाबा मंदिर भागात नेले. याठिकाणी पुन्हा मारहाण करून सायंकाळपर्यंत डांबून ठेवले होते. तिथून मुबारकने पळ काढला. मित्राच्या घरी जाऊन त्याच्यासोबत थेट बोईसर पोलीस ठाण्यात तक्रार देण्यासाठी गेला असता बोईसर पोलीस स्टेशनमधील काही कर्मचाऱ्यांनी तक्रार घेण्यास टाळाटाळ केल्याचे मुबारकने सांगितले.
याबाबत काही स्थानिकांनी आवाज उठवल्यानंतर दुसऱ्या दिवशी पहाटे गुन्हा दाखल केला. याप्रकरणी बोईसर उपविभागीय पोलीस अधिकारी नित्यानंद झा यांनी तपास आपल्याकडे घेत आरोपींना तातडीने ताब्यात घेतले. नीलेश सुर्वे, सोनु भोसले, विनोद माने, अन्या, काळु व इतर १० ते १२ अनोळखी इसमांवर बोईसर पोलीस ठाण्यात गुन्हा दाखल केला आहे. न्यायालयाने त्यांना पाच दिवसांची पोलीस कोठडी सुनावली आहे.
मुंबई: सनरायजर्स हैदराबादने लखनऊ सुपरजायंट्सला १० विकेटनी हरवले आहे. लखनऊने पहिल्यांदा खेळताना १६५ धावांची सन्मानजनक…
सर्वोच्च न्यायालयाचे राज्य सरकारला आदेश मुंबई : मुंबई उच्च न्यायालयाच्या १५० वर्ष जुन्या इमारतीचे पावसाळ्यापूर्वी…
मुंबई: आजकालच्या युगात लठ्ठपणाने साऱ्यांनाच ग्रासले आहे. जो तो वाढत्या वजनाबाबत काळजीत दिसतो. खराब खाण्यापिण्याच्या…
६ रुग्ण गंभीर; एकाचा मृत्यू मच्छर चावल्याने पसरतो आजार बंगळूरु : केरळ सरकारच्या आरोग्य विभागाने…
मुंबई: भारतात सध्या आयपीएलच्या १७व्या हंगामाची धूम आहे. या स्पर्धेचा पहिला हंगाम २००८मध्ये खेळवण्यात आला…
नवी दिल्ली: सीबीआयने मोठी कारवाई करताना दिल्लीच्या RML रुग्णालयातील रॅकेटचा भांडाफोड केला आहे. सीबीआयने रुग्णालयाच्या…