पोलीस दलात खळबळ
पुणे : पुणे शहरातील विश्रामबाग पोलीस ठाण्याच्या हद्दीत असणाऱ्या लॉकअपमध्ये एका आरोपीने गळफास घेऊन आत्महत्या केली. आज सकाळी सात वाजण्याच्या सुमारास हा प्रकार उघडकीस आला. शिवाजी गरड असे आत्महत्या केलेल्या व्यक्तीचे नाव आहे. युनिट सहाच्या पथकाने त्याला हडपसर परिसरातील एका चोरीच्या गुन्ह्यात अटक केली होती.
या प्रकरणी प्राथमिक माहिती अशी की, पांघरूणासाठी दिलेल्या चादरची काठ कापून त्याच्या साहाय्याने त्याने गळफास घेतला होता. घटनेची माहिती मिळाल्यानंतर विश्रामबाग पोलीस ठाण्याचे वरिष्ठ अधिकारी घटनास्थळी दाखल झाले. विश्रामबाग पोलीस ठाण्यात या प्रकरणी गुन्हा नोंद करण्याची प्रक्रिया सुरू आहे.