ॲमस्टेलवीन : अर्जेंटिनाने महिला हॉकी विश्वचषक जिंकला. एका रोमांचक अंतिम सामन्यात त्यांनी सह-यजमान नेदरलँड्सला पेनल्टी शूटआऊटमध्ये ३-१ ने पराभूत केले. निर्धारित वेळेत दोन्ही संघ १-१ ने बरोबरीत होते, त्यामुळे सामन्याचा निर्णय शूटआऊटवर घ्यावा लागला. अर्जेंटिनाने शूटआऊटमध्ये संयम दाखवला आणि विजय मिळवला, तसेच तिसऱ्यांदा विश्वविजेतेपदाचा मान मिळवला.
मुंबई : मुंबईतील विमान प्रवाशांसाठी एक महत्त्वाची बातमी समोर आली आहे. विमानतळावरील टर्मिनस १ च्या पुनर्विकास करण्याचे काम सुरु होणार असल्यामुळे आता ...
व्हिक्टोरिया ग्रॅनाटो, ब्रिसा ब्रुगेसर आणि सोफिया कैरो यांनी अर्जेंटिनासाठी गोल केले. डियाझ जोचा प्रयत्न अवैध ठरवण्यात आला. नेदरलँड्सकडून केवळ वाइन मारिनने गोल केला, तर पीन सँडर्स, फेलिस अल्बर्स आणि मोएस फ्रेके यांना त्यांचे प्रयत्न अयशस्वी ठरले.
तुम्ही कोणाचं वाईट करत नसतानाही लोक तुमच्यापासून दुरावत असतील, तर त्याला तुमच्या नकळत जपलेल्या काही मानसिक आणि वर्तणुकीच्या सवयी कारणीभूत असू ...
या विजयामुळे अर्जेंटिनाने आपल्या मागील पराभवाचा बदला घेतला. मागील विश्वचषकात नेदरलँड्सने अर्जेंटिनाला ३-१ ने पराभूत करून विजेतेपद पटकावले होते. विशेष म्हणजे, अर्जेंटिनाने यापूर्वी २००२ आणि २०१० मध्ये नेदरलँड्सला हरवून विश्वचषक जिंकला होता. नऊ वेळा विश्वविजेत्या नेदरलँड्सला विक्रमी १० वे विजेतेपद जिंकण्याची संधी होती, पण अर्जेंटिनाने त्यांच्या मोहिमेला पूर्णविराम दिला. डच संघाचे सलग चौथा विश्वचषक जिंकण्याचे स्वप्नही भंगले.
