मुंबई : मुंबईतील विमान प्रवाशांसाठी एक महत्त्वाची बातमी समोर आली आहे. विमानतळावरील टर्मिनस १ च्या पुनर्विकास करण्याचे काम सुरु होणार असल्यामुळे आता नवी मुंबईतील नव्या विमातळावर प्रवाशांची मोठी गर्दी पाहायला मिळणार आहे. यामुळे आता दोन्ही विमानतळांवरील विमान वाहतुकीचे नियोजन बदलणार आहे. (Mumbai Airport)
मुंबईतील छत्रपती शिवाजी महाराज आंतरराष्ट्रीय विमानतळाच्या टर्मिनस १ च्या उत्तर भागाचा म्हणजेच T-1B चा पुनर्विकास करण्यात येणार आहे. त्याच कामासाठी हा भाग १५ जानेवारीपासून बंद केला जाईल त्यामुळे सध्या या टर्मिनलवरुन होणारी साधारण ५० लाख प्रवाशांची देशांतर्गत वाहतूक ही टर्मिनस २ वर हलवण्यात येईल. मात्र, टर्मिनल २ चा सध्या मोठ्या प्रमाणावर आंतरराष्ट्रीय विमानांसाठी वापर केला जाणार आहे, त्यामुळे देशांतर्गत विमानांसाठी अतिरिक्त जागा उपलब्ध करुन देण्यासाठी आंतरराष्ट्रीय प्रवाशांची काही क्षमता ही नवी मुंबई आंतरराष्ट्रीय विमानतळाकडे वळवण्यात येणार आहे. (Mumbai Airport)
https://www.prahaar.in/2026/08/30/social-media-influencer-manjeet-kaur-passes-away-after-battling-for-life-for-54-days-following-abuse-by-her-live-in-partner/
अहवालानुसार, १ ऑक्टोबरपासून मुंबई विमानतळावरील ५० लाख आंतरराष्ट्रीय प्रवाशांची वार्षिक क्षमता ही नवी मुंबई आंतरराष्ट्रीय विमानतळाकडे वळविण्यात येणार आहे. त्यामुळे आता नवी मुंबई विमानतळावरील आंतरराष्ट्रीय विमान वाहतुकीला मोठी चालना ही मिळेल. (Mumbai Airport)
दरम्यान, नवी मुंबई विमानतळावर नुकतेच नॅशनल एअरलाइन्सचे मोठे बोइंग ७४७ हे फ्रेटर मालवाहू विमान दाखल झाले होते. त्याचबरोबर एअरबस ए३३० सारखे मोठे वाइड-बॉडी विमानही येथे आले. त्यामुळे भविष्यात नवी मुंबई विमानतळावर प्रवासी सेवेसोबतच मोठ्या प्रमाणात कार्गो अर्थात मालवाहतूकही वाढण्याची शक्यता आहे. (Mumbai Airport)
