मुंबई : सप्टेंबर महिन्यात बँकेशी संबंधित महत्त्वाची कामे असतील, तर ती आधीच पूर्ण करून घेणे ग्राहकांसाठी फायदेशीर ठरणार आहे. विविध सण, नियमित साप्ताहिक सुट्ट्या आणि बँक कर्मचाऱ्यांच्या देशव्यापी संपामुळे सप्टेंबरमध्ये देशभरातील बँकांच्या शाखा एकूण १२ दिवस बंद राहण्याची शक्यता आहे. (Bank Holidays in September)
यामध्ये बँक कर्मचाऱ्यांच्या संघटनांनी पुकारलेल्या चार दिवसांच्या देशव्यापी संपाचा समावेश आहे. युनायटेड फोरम ऑफ बँक युनियन्सने (UFBU) ११ सप्टेंबर रोजी एक दिवसाचा, तर २८, २९ आणि ३० सप्टेंबर रोजी सलग तीन दिवसांचा संप जाहीर केला आहे. (Bank Holidays in September)
बँक कर्मचाऱ्यांसाठी आठवड्यात पाच दिवस कामकाजाची पद्धत लागू करावी, तसेच सर्व बँकांमध्ये परफॉर्मन्स लिंक्ड इन्सेंटिव्ह करार समान पद्धतीने लागू करावेत, अशा प्रमुख मागण्या आहेत.
मोहम्मद साहिल व समिराकडून केले जप्त 8 भारतीय सिमकार्ड नवी दिल्ली : पाकिस्तानची गुप्तचर संस्था आयएसआयशी संबंधित हेरगिरी नेटवर्कविरोधात दिल्ली ...
याशिवाय सप्टेंबरमध्ये सण आणि साप्ताहिक सुट्ट्यांमुळेही बँकांच्या शाखा बंद राहतील. ४ सप्टेंबरला श्रीकृष्ण जन्माष्टमी, तर १४ सप्टेंबरला गणेश चतुर्थी, विनायक चतुर्थी आणि हरतालिका यामुळे संबंधित राज्यांमध्ये बँकांना सुट्टी असेल. तसेच ६, १२, १३, २०, २६ आणि २७ सप्टेंबर रोजी रविवार आणि दुसरा-चौथा शनिवार असल्याने बँका बंद राहतील.
दरम्यान, शाखा बंद असल्या तरी ग्राहकांना डिजिटल बँकिंग सेवांचा वापर करता येणार आहे. ATM, UPI, इंटरनेट बँकिंग आणि मोबाईल बँकिंग सेवा सामान्यपणे उपलब्ध राहण्याची अपेक्षा आहे. मात्र, रोख रक्कम जमा करणे-काढणे, चेक जमा करणे किंवा बँकेतील प्रत्यक्ष कामांसाठी ग्राहकांनी सुट्ट्यांचे नियोजन लक्षात घेणे आवश्यक आहे. (Bank Holidays in September)