- दोन दिवसांमध्ये १० सदनिकांच्या वाढीव बांधकामावर कारवाई
- तब्बल १२८ सदनिका धारकांना नोटीस ; तब्बल महिनाभर सुरू राहणार कारवाई
मुंबई (विशेष प्रतिनिधी)
प्रभादेवी येथील क्राऊन मिल कंपाउंडमधील आलिशान निवासी संकुल असलेल्या ‘रुस्तमजी क्राउन’ इमारतीत झालेल्या अनधिकृत बांधकामांविरोधात मुंबई महापालिकेने मोठी कारवाई सुरू केली आहे. पहिल्या टप्प्यात चार सदनिकांमधील अनधिकृत बांधकामांवर कारवाई करण्यात आल्यानंतर मंगळवारी सहा मजल्यांवरील सदनिकांमधील वाढीव बांधकामांवरही कारवाई करण्यात आली आहे. त्यामुळे सलग दुसऱ्या दिवशी ही कारवाई करण्यात आली असून बुधवारी सुट्टी असल्याने उर्वरीत बांधकामांवरील कारवाई गुरुवारी केली जाणार असल्याचे महापालिकेने स्पष्ट केले. (Rustomjee Crown Unauthorized Construction)
- पाणीकपात रद्दचा निर्णय १ ऑक्टोबर नंतरच मुुंबई (विशेष प्रतिनिधी) मुंबईला पाणी पुरवठा करणाऱ्या धरणांमधील पाणीसाठा आता वाढला असून हा पाणीसाठा आता ...
माहिती अधिकार कार्यकर्ते संतोष दौंडकर यांनी नोव्हेंबर २०२५ मध्ये याबाबतची तक्रार दाखल करत रुस्तमजी क्राउनमधील १२८ सदनिकांच्या मालकांनी लिफ्टच्या आजूबाजूच्या सामाईक जागेवर अतिक्रमण करून ती जागा आपल्या सदनिकांमध्ये समाविष्ट केल्याचा आरोप तक्रारीत केला होता. त्यानुसार तत्कालिन जी दक्षिण विभागाच्या सहायक आयुक्त मृदुला अंडे यांनी याची पाहणी करण्याचे निर्देश दिले होते. त्यानंतर महापालिका जी-दक्षिण विभागातील इमारत व कारखाना विभागाच्या सहाय्यक अभियंत्यांनी मार्च २०२६ मध्ये संबंधित सर्व सदनिकांना मुंबई महानगरपालिका अधिनियमातील कलम ३५४-अ तसेच एमआरटीपी कायद्यातील कलम ५३(१) अंतर्गत कथित अनधिकृत बांधकामाबाबत नोटिसा बजावल्या होत्या. महापालिकेने एकूण १३८ सदनिका धारकांना नोटीस पाठवली आहे. या सदनिका राजकारणी, सनदी अधिकारी आणि नामवंत व्यावसायिकांशी संबंधित असल्याची माहिती मिळत आहे. महापालिकेच्या कारवाईने सर्वांच्या भुवया उंचावल्या आहेत. (Rustomjee Crown Unauthorized Construction)
मुंबई (विशेष प्रतिनिधी) मुंबईत नागरिक गृहनिर्माण संस्था, स्वयंसेवी संस्था व शैक्षणिक संस्थांच्या सहभागातून आणि रस्त्याच्या कडेला लावण्यात आलेल्या ...
महापालिकेच्या वरिष्ठ अधिकाऱ्याने दिलेल्या माहितीनुसार, या इमारतीत तीन तळघर, तळमजला आणि ६३ मजले आहेत. ‘ए’, ‘बी’ आणि ‘सी’ या निवासी विंग्स १४व्या ते ६३व्या मजल्यांदरम्यान आहेत. ‘ए’ आणि ‘बी’ विंगमध्ये प्रत्येकी १८६ सदनिका असून, त्यांना भोगवटा प्रमाणपत्र (ओसी) मिळाले आहे. सोमवारी चार सदनिकांच्या वाढीव बांधकामावर कारवाई केल्यानंतर 'ए' विंगमधील २०, २८, ३२, ३६, ३७,३८ मजल्यावरील सदनिकांच्या वाढीव बांधकामावर कारवाई करण्यात आली आहे. तसेच चार मजल्यांवरील सदनिका धारकांनी स्वत:चे वाढीव बांधकाम तोडून टाकले आहे. त्यामुळे एकूण १२८ पैंकी १४ सदनिकांची वाढीव बांधकामे हटवण्यात आली आहे. (Rustomjee Crown Unauthorized Construction)
